Era a soqo vata na daunivakavulewa e Filisitia me ra vakacabora e dua na imadrali levu vei Teikona (Dagon) na nodra kalou (elohim), ka me ra solevu tale ga me vaka era kaya “Na noda kalou (elohim) sa solia na keda meca o Samisoni i ligada.”
-Dauveilewai 16: 23
A qai yaco ni sa tubu sara tu ga na nodra mamarau, ni ra kailavaka, “Kauti Samisoni mai, me mai vakamarautaki keda!” Sa lai kacivi sara mai o Samisoni mai valeniveivesu, sa qai mai vakalasalasa vei ira o koya. Era qai vakaduri i koya e na maliwa ni rua na duru lelevu ni vale
E kaya sara o Samisoni vua na gone a tubera tiko mai na ligana, “Kauti au mada meu lai vakayamoca na duru e tabeya tiko na vale oqo, meu lai ravita tu mada.” Era a oso drigi tu e na vale oqo o ira na tagane kei na yalewa; o ira kece na daunivakavulewa e Filisitia era a tiko kina; ka ra tu mai doka ni vale e rauta e le tolunaudolu na tagane kei na yalewa, era qai saravi Samisoni ni vakalasalasa tiko.
Sa kaciva sara na TURAGA (Yahweh) o Samisoni, “Kemuni na TURAGA (Yahweh) na Kalou Cecere (Sovereign), ni nanumi au mai au masuti kemuni, ni vakaukauataki au vakadua tale kemuni na Kalou (Elohim), meu sauma vei ira na kai Filisitia na yali ni mataqu ruarua.
Sa yamoca sara o Samisoni me tara na duru ruarua e loma, ka dabe toka kina na vale me tabeya cake tu, me dua e na ligana i matau, ka tara na kena kadua e na ligana imawi.
Sa kaya sara o Samisoni, “Vakatara meu mate vata kei ira na kai Filisitia.” Sa qai kalairoro me sa bili o koya e na nona igu taucoko, oti qai ovaci ira na daunivakavulewa kei ira na tamata kecekece era tiko e keya na vale. O ira e vakamatei ira o koya e na gauna sa mai mate kina qo, e a levu cake sara mai na kedra iwiliwili a vakamatei ira o koya e na dela ni nona bula taucoko.
-Dauveilewai 16:25-30
Wilika Talega Ke Rawa
Same 3: Aisea 1:24; Jeremaia 5:7-9, 29; 9:9;
Iperiu 11:32-34
Subscribe to:
Post Comments (Atom)
1 comment:
Dua ga na e vakaraitaki eke sa ikoya na ka e na rawa ni yacovi keda kevaka eda talaidredre tiko vua na Kalou; vakalialia tiko na nona Vosa ka tabonaka na daligada meda rogoca na nona vosa. Na yacovi keda ga na Rusa. E vinaka o ira oqo era mate totolo- ia na gauna oqo na rusa e na lako mai e na noda vakamduataki, sega ni dua e taleitaki keda ka vaka talega kina sa sega na marau e na noda bula. Isa Turaga ni mai raica na yalo raramusumusu oqo me kakua sara ni cakava e dua na ka mo ni cudru kina. Emeni
Post a Comment