Tovolea, mo qai raica ni vinaka na TURAGA (Yahweh),
e kalougata na tamata e vakararavi Vua.
- Same 34:8
Au na vakacaucautaki Kemuni me tawamudu,
e na vukuni ka Oni a cakava;
au na vakanuinui i na Yacamuni
baleta ni vinaka e matadra na Nomuni digitaki.
- Same 52:9
E ka dina ni Kalou (Elohim) e dau vinaka vei Isireli,
vei ira mada ga e savasava na vuniyalodra.
- Same 73:1
Baleta na TURAGA (Yahweh) e vinaka, na Nona loloma e tawamudu.
Kei na Nona dina e kovuta na veitabatamata kece sara.
- Same 100:5
Vakacabora na vakavinavinaka Vua na TURAGA (Yahweh),
baleta e vinaka o Koya;
Na Nona yalololoma e na tu me tawamudu
- Same 118:1
Vakacaucautaka na TURAGA (Yah), baleta na TURAGA (Yahweh) e vinaka;
Lagata na sere ni veivakacaucautaki e na vuku ni Yacana,
Baleta qori e kamikamica.
- Same 135:3
Na TURAGA (Yahweh) e vinaka vei keda kecekece,
E dau kauwaitaka vakalevu o Koya na ka kece a bulia.
-Same 145:9
Wilika Talega ke Rawa
II Veigauna 6:41, Same 84:9-12, Marika 10: 17-18, Roma 8:18-28, III Joni 11.
Subscribe to:
Post Comments (Atom)
2 comments:
na cava na nomu vakasama kina na kena vakadewataki tale mada na i Vola Tabu baleta ni sa rui veicalati na kena vakadewa ena levu na vanua. Dua na vosa e sega ni vakadewa taki o ya na "Sovereign" ni vakayagataki me tukuna e dua na nona attribute na Kalow
Namanusa,
Vosota, ni bera yani na noqu vakasama. E dua tiko ga na iVola Tabu vakaviti, ia na kena qo au nuitaka ni na kena ikarua.
Au sega ni dau raica ni cala na ivakavakadewa ni iVola Tabu eso vakavavalagi era sa bini tu. Ia au dau raica ga ni duidui na vakasama era volai kina. Na duidui oqori ni ra sa mai biu vata, e na levu na gauna e qai dau kune kina eso na vakasama vovou a sega tu ni matata vei keda e liu.
Na vakasama dina oni kauta cake mai; ka kune vakalevu e na kena vakadewataki ni yaca ni Kalou, Na Kalou nei Eparayama e kainaki ni onosagavulu vakacaca na “combination” ni Yacana ka dodonu me kila e dua na tamata lotu e vinakata me vakayagataka na kaukaua kei na mana ni Kalou (Yahweh) Vei keda a toka ga e na TURAGA na Kalou – kau sa cakacaka tiko e na kena vakarabailevutaki ni noda kila na yaca ni Kalou. Na sovereign e dewa mai na vosa vakaIperiu na “Mariah” kau gadreva me vakayagataki na vosa vakaviti “na Sau” me ivakadewa ni sovereign e na vanua era vakayagataki kina Na cava beka na nomuni nanuma?
Loloma yani.
Apenisa
Post a Comment