Sa Lesu Tale Tiko Mai O Jisu.

Na iTakitaki ni iKatolusagavulukadua ni Siga ni Tiseba

“Raica, au sa lako tiko yani vakatotolo! E kalougata o koya e galeleta na vosa ni parofisai e na ivola oqo.”
Vakatakila 22: 7

“Ia raica, Au sa lako tiko yani vakatotolo, sa tiko vata kei Au na Noqu icovi, meu lai veisoliyaka vei ira kece, ia me veiraurau ga kei na nodra dui ivalavala.13 “O au na Alifa kei na Omeka, na ivakatekivu kei na ivakataotioti, na imatai kei na imurimuri.14 “Me ra kalougata o ira era vakayacora tiko na Nona ivakaro, me rawa ni ra taura na nodra dodonu ki na vunikau ni bula, ka me ra curu talega e na veimatamata ni korolevu. 15 “Ia e tuba era na vo tu kina na koli, na dauvakatevoro, na dauveidauci, na daulaba, na daulotutaki matakau, kei koya ga e taleitaka na lasulasu ka dau lasulasu.16 O Au, o Jisu (Yahshua), Au a talai ira yani na Noqu agilosi me ra lai vakadinadinataka na veika oqo vei kemuni na lewe ni isoqo­soqo lotu. O Au, Au vu kau luvei Tevita talega, Kau rarama ka kalokalo volasiga.”17 Ia na Yalo vata kei na yalewavou rau qai kaya, “Lako mai.” Ia laivi koya e rogoca me kaya, “Lako mai!” Ka laivi koya e karamaca me lako mai. Ia o koya ga e gadreva, laivi koya me taura wale na wai ni bula.
- Vakatakila 22:12-17

Ia o koya e ivakadinadina ni veika oqo e kaya, “E dina au sa lako tiko yani vakusakusa.” Emeni. Me yaco vaka kina, lako mai Turaga Jisu (Sovereign Yahshua)! 21 Na yalololoma ni noda Turaga (Master) o Jisu Karisito (Yahshua Messiah) me tiko kei kemuni kecekece. Emeni.
Vakatakila 22: 20-21

Wilika Talega Ke Rawa
Same 1:37; Maciu 16:24-27; Luke 12:35-40;

I Cesalonaika 4:13-5:11; Vakatakila 1:1-3.

I hope Bloggers have enjoyed my Bible Reading Blogspot in 2007, which is in the Fijian language, but supplemented by Bible.Gateway.Com in all the other languages of the world. May you all have a prosperous 2008. See you then.

Na Siga Ni Lewa.

Na iTakitaki ni iKatolusagavulu ni Siga ni Tiseba

Au qai raica na idabedabe vakatui vulavula vakaitamera, vata kei Koya e dabe toka kina; mai na iserau ga ni matana, rau a dro kina na vuravura kei na lomalagi. Ia rau sa mani sega ni kune tale kina. Au qai raici ira na mate, lelevu kei na lalai, ni ra sa duri tu e na mata ni idabedabe vakatui, ia na ivola kece era sa dola tu. Oti sa qai dola e dua tale na ivola, oya na ivola ni bula. O ira na mate era a veilewaitaki tiko me veiraurau ga kei na nodra ivalavala, ni vakatauvatani kei na veika era volai tu e na ivola. Na wasawasa a qai sereki ira mai era mate tu kina, ia o mate kei na ibulubulu a qai sereki ira mai o ira era mate tu kina. Era qai veilewaitaki yadudua me veiraurau ga kei na nodra dui ivalavala. Ia o mate kei na ibulubulu rau a vakalutumi i na drano buka­waqa. Oqo na ikarua ni mate. O koya e kune ni sega ni volai tu e na ivola ni bula e na vakalutumi talega i na drano bukawaqa.
Vakatakila 20:11-15

Au qai raica e dua na lomalagi vou vata kei na dua na vuravura vou, baleta na imatai ni lomalagi vata kei na imatai vuravura rau sa takali yani. A sa sega talega na wasawasa. 02 Oti, o au, o Joni, au qai raica na korolevu tabu o Jerusalemi Vou, ni sobu tiko mai lomalagi mai Vua na Kalou (Elohim), ni sa vakarautaki tu mai me vaka e dua na yalewavou, e sa uku tu e na vukui watina. 03 Au qai rogoca e dua na domo rogo levu mai lomalagi ni kaya, “Raica, na itikotiko ni Kalou (Elohim) sa kau vei ira na tamata, o Koya e sa na lai vakaitikotiko kei ira, me ra sa Nona tamata; ia na Kalou (Elohim) vakataki Koya e sa na lai vakaitikotiko vata kei ira, me sa nodra Kalou (Elohim). 04 “Ia o Koya, e na qai qusia laivi na wainimata kece mai matadra, e sa na sega vakadua tale na mate, se na rarawa, se na tagi; ka sa oti vakadua na vutugu baleta na veika makawa era sa na takali vakadua.”

Vakatakila 21:1-4



Wilika Talega Ke Rawa
Aisea 65:17-25; 66:22-24; Taniela 12:1-3;
Joni 1:14-18; II Pita 3:1-14

O Ira Era Digitaki Kei Setani.

Na iTakitaki ni iKaruasagavulukaciwa ni Siga ni Tiseba

Oti au qai raica e dua na agilosi ni sobu tiko mai lomalagi, ka taura tiko mai e ligana na ki i na qara sega ni vakabotona, vata kei na dua na senicodo vakai­tamera. 02 E mai vesuka na gata damu vakadomobula, oya o koya vata ga na gata mai na gauna makawa, na Tevoro o Setani, qai vesuki koya tu me duanaudolu na yabaki; 03 oti qai kolotaki koya i loma ni qara sega ni vakabotona, ka sogoti koya laivi yani, qai tabaka e dua na sitaba vua, me kakua ni vakacalai ira tale na matanitu o koya, me yacova ni sa oti na duanaudolu na yabaki. Ia ni sa oti na veika oqori, me na qai sere tale mada vakalekaleka.
04 Au qai raica na idabedabe vakatui, vata kei ira era dabeca toka, ni a nuitaki vei ira na vakavulewa. Au qai raica na nodra bula o ira era a kuna e na vuku ni nodra veidinadinati kei Jisu (Yahshua) vata kei na vosa ni Kalou (Elohim), o ira era a sega ni sokalou vua na manumanu kila se na kena ivakatakarakara, era sega kina ni ciqoma na nona ivakatakilakila e yadredra se e ligadra. Era a qai bula tiko ka veiliutaki tiko vata kei Karisito (Messiah) me dua na udolu na yabaki; 05 Ia o ira na vo ni mate, era a sega ni bula tale me yacova ni sa cava na duana­udolu na yabaki. Oqo na imatai ni veivakaturi mai na mate. 06 E kalougata ka yalosavasava o koya e vakaitavi e na imatai ni veivakaturi mai na mate. Vei ira vakaoqo, na ikarua ni mate e sega na kena kaukaua vei ira, baleta era sa na lai bete vua na Kalou (Elohim) kei na Karisito (Messiah), me ra veiliutaki tiko kei Koya me duanaudolu na yabaki. 07 Ia ni sa cava na duanaudolu na yabaki, o Setani e na qai sere mai na nona valeniveivesu, 08 ka na lako me lai vakacalai ira na veimatanitu e na tutu ni vuravura va va, o Qoqo kei Meiqoqo, me soqoni ira vata mai i na ivalu, ia na kedra iwiliwili e vaka na mataninuku mai waitui. 09 Era a tayabe takosova na bucabuca kei vuravura, era qai lai tuva vakavolivolita na nodra keba na digitaki vata kei na korolevu daulomani. Ia qai lidiki ira na yameyame ni bukawaqa mai Vua na Kalou (Elohim), mai lomalagi, qai tilomi ira qaqa. 10 Ia na tevoro, o koya e a vakacalai ira, a qai vakalutumi i loma ni drano bukawaqa kei na salafa, na vanua rau a biu kina na manumanu kila kei na parofita vakailasu. Eratou na qai totogitaki tu kina, e na siga kei na bogi, me tawamudu ka sega ni mudu.
-Vakatakila 20:1-10




Wilika Talega Ke Rawa
Vakatekivu 3:1-15; Isikeli 38-39; I Korinica 6:1-6;

Vakatakila 12-13; 17-19

Na Matana E Vaka Na Matanisiga.

Na iTakitaki Ni iKaruasagavulukawalu Ni Siga Ni Tiseba

O au o Joni, au tacimuni kau nomuni itokani e na veivakatovolei, e na matanitu vata kei na yalovosota nei Jisu na Karisito (Yahshua the Messiah), au tiko oqo e na yanuyanu o Patimo, meu mai ciqoma kina na Vosa ni Kalou (Elohim) kei na ivakadinadina nei Jisu na Karisito (Yahshua the Messiah). 10 Au a tiko vakayalo e na Siga ni Turaga (Master); au qai rogoca mai dakuqu e dua na domo rogo levu, me vaka e dua na davui, 11 ni kaya, “O Au na Alifa kei na Omeka, na imatai kei na iotioti,” qai kuria, “Na ka o raica, mo vola e na dua na ivola, qai vakauta vei ira na isoqosoqo lotu e vitu mai Esia; Efeso, Sumuena, Peqamosi, Tayatira ka vaka kina mai Sadisi, Filatelifia vata kei Leiodisia.” 12 Au qai vuki meu raica na domo e vosa tiko mai vei au. Ia niu sa vuki yani, au qai raica e vitu na itutu ni kadrala koula, 13 ia e na kedra maliwa na itutu ni kadrala koula e vitu, au qai raica e Dua, e vakataka na Luve ni Tamata, e vakaisulu tu e na isulu balavu ka ubia vakadua tu na yavana, qai oro tu na serena e na ioro koula. 14 Na uluna kei na drauniuluna o Koya e vulavula me vaka na vutinisipi, ka vulavula kata me vaka na uca cevata; na matana e vaka na yameyame ni bukawaqa; 15 Na yavana, e vaka na parasa totoka, sa vakasavasavataki oti e na lovo bukawaqa; kei na domona e vaka na rorogo ni wai drodro mai na vica vata na baranisavu. 16 E a tiko i Ligana imatau e vitu na kalokalo; mai gusuna e dodo tiko mai kina e dua na iseleiwau batirua gagata, ia na kena irairai taucoko o Koya e vaka na matanisiga ni sa todra kaukaua tu. 17 Niu raici Koya, au qai dokoulu yani i yavana, me vaka au sa ciba. Ia qai vakotora mai vei au na Ligana imatau, qai kaya, “Kakua ni domobula; o Au na imatai vata kei na iotioti. 18 “O Au ga o Koya e bula tu, Au qai mate, ia raica, Au sa bula tu oqo me sega ni mudu, Emeni. Ia e tiko vei Au na idola ni ibulubulu kei na mate. 19 “Vola na veika kece o a raica, na veika era yaco tiko kei na veika era na yaco ni oti oqo.
- Vakatakila 1:9-19



Wilika Talega Ke Rawa
Same 149; Taniela 7; II Timoci 3; Iperiu 4:12-13;
Vakatakila 2-11; 19:11-21.

Raica Ni Lesu I Jerusalemi Na Lagilagi, O Isikeli.

Na iTakitaki Ni iKaruasagavulukavitu Ni Siga Ni Tiseba

Oti sa qai kauti au mai o koya, i na matamata, oya na matamata e qara tu vaka i natuicake (east), 2. au qai raica na lagilagi ni Kalou (Elohim) i Isireli ni serau tiko mai natuicake. Na domona e vaka na rorogo ni vuqa vakavuqa na wai drodro: qai ramase tu na vanua mai na kena iserau. 3. Qo e tautauvata kei na raivotu au a raica, e tautauvata kei na raivotu au a raica e na gauna a lako mai kina meu mai vakarusa na korolevu: vata kei na raivotu au a raica e na bati ni uciwai na Kipa, au a qai lutu sobu kina meu cuva tu vakatoboicu. 4. Na lagilagi ni TURAGA (Yahweh) a qai curu i loma ni valenisoro mai na matamata e no mai natuicake. 5. A qai laveti au cake na Yalo qai kauti au i na lomanibai e loma, au qai raica ni sa qai vakasinaita tu na loma ni valenisoro na lagilagi ni TURAGA (Yahweh). 6. Au qai rogoca ni vosa tiko mai vei au, mai loma ni vale, ia na tamata oya e se duri tu e yasaqu. 7. Ia e kaya mai o koya, “Luve ni tamata, oqo na tikina ni noqu idabedabe vakatui, kei na itutu ni qeteqete ni yavaqu. Qo na vanua au na mai bula kina e na kedra maliwa na Isireli me sega ni mudu. Na yavusa Isireli e na sega ni vakadukadukalitaka tale vakadua na Yacaqu Tabu – o ira se o ira na nodra tui – e na nodra dausaqamua, se na ivakaitarakara mate ni nodra tui e na nodra veiyasana cecere. 8. Ni ra a viria na nodra ilago e na yasa ni noqu ilago kei na duru ni nodra katuba e na yasa ni duru ni noqu katuba, sa qai lai vo tu ga kina e dua na lalaga e na keimami maliwa, era qai vakadukadukalitaka na yacaqu tabu e na nodra ivalavala vaka­sisila era dau vakayacora. Au sa mani vakarusai ira kina e na noqu leva cecekia. 9. Laiva me ra biuta tani mada e na vukuqu na nodra dau saqamua, kei na ivakatakarakara mate ni nodra tui, me yawa kalia mai vei au, Au na qai lai bula vata kei ira me sega ni mudu.
- Isikeli 43:1-9


Wilika Talega Ke Rawa
Isikeli 1; 3; 8-11; Sakaraia 14; Vakatakila 21:1-4.

Na Lomalagi Vou kei na Vuravura Vou.

Na iTakitaki Ni iKaruasagavulukaono Ni Siga Ni Tiseba

Raica, Au na bulia na lomalagi vou kei na vuravura vou. Na kena makawa sa na sega ni nanumi lesu, se vure mai na vakasama. 18 Ia mo dou reki ka marau tiko me sega ni mudu e na ka Au na bulia, baleta Au na buli i Jerusalemi me taleitaki, kei na kena tamata me ra dau marautaki. 19 Au na dau marau e na vuku i Jerusale­mi, ka rekitaki ira na noqu tamata; na rorogo ni qoqolou kei na tagitagi sa na sega ni rogo tale vakadua. 20 “E na sega vakadua me kune tale mai keya e dua na gone dramidrami, me na bula tiko me vica wale na siga se dua na qase me sega ni otiva na nona yabaki ni bula; o koya e qai mate ni sa yabaki duanadrau e na kainaki ni se gone lailai wale
ia o koya e sega ni yacova na yabaki duanadrau e na kainaki ni tamata kalouca.
Aisea 65:17-20


Era na sega ni oca wale o ira era cakacaka, se vakasucu gone era na mai sotava na ka rarawa;
baleta era kawa tamata vakalougatataki mai Vua na TURAGA (Yahweh) , o ira kei vata kei ra na nodra kawa. 24 E na qai yaco, ni ra sebera ni kaci, Au sa na tama; ni ra se vosa tikoga, Au sa na rogoci ira. 25 Na wolifa kei na lami, rau na kanakana vata; kei na laione e na kana co me vaka na bulumakau ia na kuvu ni soso e na kena kakana na gata. Rau sa na sega ni veivakamavoataki se veivakarusai e na noqu uluni­vanua tabu kece sara,” e kaya na TURAGA (Yahweh) .
Aisea 65:23-25



Wilika Talega Ke Rawa
Vakatekivu 3:1-14; Aisea 66:22-24; II Pita 3:1-14;
Vakatakila 21:1-5.

Na Nodra iLoloma Soliwale Na Vuku.

Na itakitaki ni iKaruasagavulukalima ni Siga Ni Tiseba

Ia e na gauna sa sucu oti kina o Jisu (Yahshua) mai Peceliema e Jiutia, oya e na gauna nei Eroti na Rokotui, raica, eso na tamata vuku mai na Natuicake era lako mai i Jerusalemi, 02 era qai kaya, “E tiko beka evei o Koya e se qai sucu ga oqo me nodra Tui na Jiu? Keimami a raica na Nona kalokalo mai na tokalau, keitou lako mai kina oqo, me keitou mai vakarokoroko Vua.” 03 Ni rogoca o Eroti na Rokotui na veika oqori, e a kidroa kina vakalevu o koya, ka vaka kina o Jerusalemi taucoko. 04 Ia ni sa vakasoqoni ira vata kece na betelevu, kei ira na nodra vunivola na lewenivanua, sa qai vakatarogi ira se na sucu beka evei na Karisito (Messiah). 05 Era mani kaya vua, “Mai Peceliema e Jiutia; baleta qori na ka era a vola na Parofita;

06 ‘Ia o iko Peceliema e na qele vaka Jiuta,
O segasega sara ni lolovira e na kedra maliwa na iliuliu e Jiuta,
Baleta mai vei iko e na lako mai e dua na Daunivakavulewa,
Me mai vakatawani ira na Noqu tamata e Isireli’”.

07 Ia o Eroti, ni sa kacivi ira vata vakavuni na tamata vuku, a qai vaqaqa mai vei ira na gauna a laurai kina na kalokalo. 08 Oti sa qai vakatalai ratou i Peceliema, qai tataunaka, “Lako lai vakasaqara vakavinaka na Gone lailai, ia ni oni sa kunei Koya, vakau itukutuku lesu mai vei au, meu rawa ni lako yani, meu lai vakarokoroko talega Vua. 09 Ni ratou sa rogoca oti na tui, eratou sa qai toso; ia raica, na kalokalo era a raica mai Natuicake (East) , a qai liu tiko vei iratou, me yacova ni sa lai tu donuya na tikina e tiko kina na Gone. 10 Ni ratou sa raica na kalokalo, eratou a marau dina vakalevu. 11 Ni ratou sa curu i lomanivale, eratou qai raica na Gone vata kei Meri na tinana, eratou qai lutu me ratou vakarokoroko Vua. Ia ni ratou sa dolava na nodratou kato iyau, eratou qai vakacabora na iloloma Vua: na koula, kei na dreganifereqisede kei na dreganimuru.
12 Ia, baleta ni ra a vakaroti e na dua na tadra, ni sega ni vinakati me ra lesu vei Eroti, era sa mani dui lesu i nodra dui vanua, e na dua tale na sala.
Maciu 2:1-12.



Wilika Talega Ke Rawa
Lako Yani 30:22-33; Maika 5:2-5; Luke 1-2;
Marika 15:16-24; Joni 12:1-7; Iperiu 13:15-21

Sucu Na Karisito (Messiah)

Na iTakitaki ni iKaruasagavulukava ni Siga ni Tiseba

O Josefa talega a lako cake mai Kaleli, ni biuta mai na korolevu o Nasareci, me lako i Jiutia, i na korolevu nei Tevita e vakatokai o Peceliema, baleta o koya e lewe ni mataqali ka kawa sara ga mai vei Tevita, 05 me lai wili e keya vata kei Meri, na yalewa sa musuki tu vua, ka ni sa tiko bibi tiko kei na dua na gone. 06 A qai yaco, ni rau tiko voli mai keya, ni a yaco mai na siga me vakasucu kina. 07 E a qai vakasucuma na luvena ulu­matua tagane, ologi Koya e na isulu ni gone ka vakotori Koya tiko e na tavu ni vakanamanumanu, baleta a sega ni dua na nodrau icili e na bure ni vulagi. 08 Ia e na loma ni yasayasa vata oqo, eso na ivakatawa ni sipi era a vakaitikotiko voli e na veibuca me ra vakatawa sipi tiko kina e veibogi.
09 Ia raica ni dua na agilosi ni Turaga (Yahweh) a mai duri tu e matadra, qai cila wavolivoliti ira na lagilagi nei ni Turaga (Yahweh), qai curumi ira na rere vakaitamera. 10 Sa qai kaya na agilosi vei ira, “Kakua ni rere, baleta au kauta tiko mai vei kemuni na itukutuku vinaka era na rekitaka vakalevu na tamata kecekece.11 “Baleta e sa qai sucu vei kemuni edaidai, e na loma ni koro nei Tevita, e dua na iVakabula, o koya na Karisito (Messiah) ni Turaga (Yahweh).
12 Ia oqo na kena ivakatakilakila vei kemuni; oni na raica e dua na Gone dramidrami ni olo tiko e na itutuvi ni gone, ka koto no e na dua na tavu ni vakanamanu­manu.” 13 Qai vakasauri na nodra basika e yasana na agilosi oqo, e dua na ilawalawa levu na daunivei­qaravi mai lomalagi, ni ra mai vakacere­cerea na Kalou (Elohim) e na nodra kaya tiko:
14 “Me lagilagi na Kalou (Yahweh), e na itikotiko sa cecere sara,
Ia e vuravura me yaco na tiko veisaututaki, kei na yalovinaka e na kedra maliwa na tamata.”
- Luke 2:4-14.


Wilika Talega Ke Rawa
II Samuela 7:8-17; Same 89:20-37; Aisea 9:6-7;
Maciu 1:18-25; Luke 1-2

E Luve I Tevita Ia E Nona Turaga (Sovereign) Talega.

Na iTakitaki ni iKaruasagavulukatolu ni Siga ni Tiseba

E na Vukui Tevita. E Dua Na Same.
E qai kaya na TURAGA (Yahweh) vua na noqu Turaga (Sovereign);
“Dabe toka e na ligaqu i matau,
me yacova Niu sa vakamalumalumutaki ira na kemu meca
me ra itavatava ni Yavamu.
Na TURAGA (Yahweh) e na vakarabailevutaka na nomu ititoko kaukaumea
vakaitamera mai Saioni;
o na vakavulewa e na kedra maliwa na kemu meca.
O ira na lewe ni nomu mataivalu era na soli ira vakarawarawa
e na nomu siga ni ivalu.
E na iukuuku vakatui e totoka ka lagilagi;
mai na kete ni mataka
o na ciqomi ira na tegu ni nomu cau­ravou.
Sa bubului oti na TURAGA (Yahweh) ,
ka na sega ni veisautaka na nona vakasama:
“O iko o na bete me tawa mudu
e na ivakatagedegede nei Melikiseteki.”
Na Turaga (Yahweh) , sa toka e na ligamuni imatau;
E na rawai ira na tui, o koya, e na siga ni nona leva cecekia.
E na veilewaitaka na veimatanitu o koya, ka binia cake na yagodra na mate
E na rawai ira na tui e vuravura raraba.
E na gunu mai na waidrodro e bati ni sala:
O koya oya e na tacake kina na uluna.
- Same 110:1-7


Era a lewe levu sara na bete, ia na nodra dui mate e dau tinia koso na nodra cakacaka mai na kena toso tikoga. 24 Ia o Koya, baleta ni cakacaka tikoga me tabucegu, e tiko vua na ivakatagedegede ni bete e sega ni veisautaki rawa.
25 O koya oya, e rawa kina Vua me vakabulai ira kece, era toso tiko Vua na Kalou (Elohim) e na vukuna o Koya, baleta sa bula tawamudu tu o Koya, me dau vakatutusa e na vukudra. 26 Na mataqali bete levu vaka oqori e ganiti keda, baleta o koya e yalosavasava, e sega ni dau veivakacacani, e tawacala, e tu vakatikitiki mai vei ira era dau valavala ca, ka sa yaco tu oqo me cecere cake mai na vei lomalagi;
-Iperiu 7:23-26.


Wilika Talega Ke Rawa
Vakatekivu 14:18-20; Maciu 22:41-46;
Iperiu 5:1-10; 7.

Na Luve Ni Kalou (Yahweh)

Na iTakitaki Ni iKaruasagavulukarua ni Siga ni Tiseba
Na cava era sa leva kina na tawavakabauta
kei ira na tamata era vakasamataka na veika lialia?
Era sa tuvai valu na tui kei vuravura,
era sa kumukumuni vata na iliuliu, o ira na daunivakavulewa
me ra saqata na TURAGA (Yahweh),
kei na Nona Lumuti ni ra kaya,
“Tou drutilaka na nodrau ivesu senicodo,
ka kolo laivi na nodrau dali mai vei keda.”
O Koya e dabe toka vakatui mai lomalagi e na dredre;
E na vakalialiai ira na Turaga (Yahweh):
E na qai vosataki ira o koya e na nona cudru:
Qai vakararawataki ira e na nona leva; ni kaya,
“Au sa vakatikori koya na noqu Tui
e na noqu ulunivanua tabu o Saioni
Au na tusanaka na ilesilesi. Na TURAGA (Yahweh),
Sa kaya vei au “O iko na Luvequ tagane;
E daidai Au sa vakatuburi iko.
Kerei au mai,
Au na solia na veimatanitu me nomu ivotavota,
Kei na iyalayala kei vuravura mo taukena.
O na musulaki ira e na ititoko kaukamea:
O na vorolaki ira me vaka ni vurulaki na kuro qele.”
O koya oya, moni yalomatua mai kina, o kemuni na Tui;
Moni qaqarauni, o kemuni na daunivakatulewa e vuravura.
Moni qarava na TURAGA (Yahweh) e na rere,
ka yalo mamarau e na sautaninini:
Reguca na Luvena, de qai cudru o koya,
dou qai rusa e na nomudou itovo,
baleta na nona lewa e rawa ni tubu e na dua ga na gauna lekaleka,
Era kalougata o ira kece era vakararavi Vua.
-Same 2:1-12.




Wilika Talega Ke Rawa
II Samuela 7; I Veigauna 17; Marika 1:1-11;
Vakatakila 2:18-29.

Na Bula Tawa Mudu Eda Na Wasea.

Na iTakitaki Ni iKaruasagavulukadua ni Siga ni Tiseba

Na noqu daulomani, au volavola yani oqo vei kemuni e na yalomatua, me baleta na veivueti vakayalo eda sa namaka kece tiko; ia au qai nanuma ni bibi cake vei au meu volavola yani, meu vakauqeti kemuni moni taqomaka matua na noda vakabauta, e na kena inono a soli kina vei ira na digitaki, e na vukuda. 04 Baleta eso na tamata era sa curu butako yani e na kemuni maliwa, oya o ira era se nakiti makawa tu mai me ra na mai veivakacacani, era tamata sega ni vakalou, era sa vukica na yalololoma ni noda Kalou (Elohim) me ivakarawa ni talatalaidredre, era qai cakitaka na Kalou (Sovereign) e duabau kei na noda Turaga (Master) o Jisu na Karisito (Yahshua the Messiah).
- Jiuta 3-4.

Ia o kemuni, na noqu dau­lomani, nanuma na vosa era dau kaya mai liu o ira na apositolo ni noda Turaga (Master) o Jisu na Karisito (Yahshua the Messiah); 18 e na nodra a kaya ni ra na tu o ira era dauveivakacalai e na nodra mai vakamuria voli ga na gagano vakasisila e sega ni vakalou. 19 O ira qo o ira era dau taleitaka ga me ra ilawalawa vata kei ira na tamata kocokoco baleta e sega vei ira na Yalo Tabu. 20 Ia o kemuni, na noqu daulomani, moni vakavoutaki kemuni cake tikoga e na vakabauta ni Yalo Tabu, e na nomuni masumasu. 21 Laiva meda maroroi keda tiko e na loloma ni Kalou (Yahweh), ni da vakasaqara tiko na yalololoma ni noda Turaga (Master) o Jisu na Karisito (Yahshua the Messiah), vata kei na bula sa na noda me tawamudu. 22 Ia e na so vei ira, veitalia se o cei o ira, dreta ira laivi mai na buka koala; 23 Ia ke ra veivutuni, lomani ira e na yalololoma; ia e na yalo ga e qaqarauni, ka moni sevaka mada ga na isulu e vakadukadukalitaki tu e na gagano vakayago.
24 Ia vei Koya e rawa ni taqomaki kemuni moni kakua ni tarabe
Ka cabori kemuni ni oni tawacala
E matana o Koya e lagilagi, e na marau vakaitamera
25 Vua na Kalou (Yahweh) duabau na noda iVakabula
E na vuku i Jisu na Karisito (Yashua the Messiah),
Me Nona na lagilagi vata kei na lewa,
Na matanitu kei na kaukaua,
Ruarua e na gauna oqo kei na itabagauna tawamudu, Emeni.
Jiuta 17-25.

Wilika Talega Ke Rawa
Emosi 4:11; Sakaraia 3; Cakacaka 20:28-31;
II Pita 3.

Meca I Karisito.

Na iTakitaki Ni iKaruasagavulu Ni Siga Ni Tiseba

Kemuni na gone lalai, oqo na ivakataotioti ni gauna, ia me vaka oni sa rogoca oti, na meca-i-karisito (anti messiah) sa lako tiko mai; e na gauna mada ga oqo era sa levu tiko ga mai na meca-i-karisito, ia oqori eda kila kina ni da sa tiko e na ivakataotioti ni gauna.
19 Era a lako laivi ga mai vei keda, baleta era a sega ga ni duavata tiko kei keda; kevaka me ra a duavata dina vata kei keda, ke ra a toso tikoga vata kei keda; ia era sa biuti keda me rawa kina ni ra vakaraitaka ni ra a sega ga ni duavata mai vata kei keda.
20 Ia o kemuni, e sa dua tiko na nomuni ilesilesi mai vei Koya e Yalosavasava, oya oni sa kila tiko kina na veika kece, o kemuni.
21 Au sega ni volavola yani vei kemuni baleta ni oni se bera ni kila na dina, ia baleta ga ni oni sa kila, ka ni sega ni dua na lasu e rawa ni vure mai na dina.
22 O cei beka e dau ni lasulasu? O koya ga e cakitaka ni o Jisu (Yahshua) na Karisito (Messiah). Ia e meca-i-karisito (anti-messiah) o koya e cakitaka na Tamada kei na Luvena.
23 O koya e cakitaka na Luvena, e na sega ni tiko vua o Tamada; ia o koya e vakadinadinataka na Luvena, e tiko talega vua o Tamada.
-I Joni 2:18-23.


E levu sara na dau veivakacalai era sa veitosoyaki tu e vuravura, era sega ni tusanaka tiko ni o Jisu na Karisito (Yahshua the Messiah) sa sucu oti mai vakatamata. Qo e dua e dauniveivakacalai, ka meca-i-karisito (anti messiah).
08 Qarauni iko vinaka, meda kakua ni vakayalia wale tu na veika eda sa cakacakataka oti, ia meda rawata ga na kena icovi kecekece.
09 O koya e dau talatalaidredre, ka sega ni muria na ivakavuvuli nei Karisito (Messiah), e sega ni tiko vata kei na Kalou (Yahweh). Ia o koya e vakamuria vinaka na ivakavuvuli nei Karisito (Messiah), e sa tiko ruarua vua na Kalou (Father) vata kei na Luvena.
10 Ke dua e sikovi iko yani; ia qai sega ni kauta tiko yani na ivakavuvuli oqo, kakua ni ciqomi koya i na loma ni nomu vale se kidavaki koya;
11 baleta o koya e kidavaki koya, e na wili vata kei ira e na nodra ivalavala ca.
-2 Joni 7-11.




Wilika Talega Ke Rawa
Vakaibalebale 13:5; Aisea 44:240-25;
Jeremaia 14:14-15; II Timoci 3; II Pita 2-3.

Na Loloma Ni Tamada Vakalomalagi.

Na iTakitaki Ni iKatinikaciwa ni Siga ni Tiseba

Kakua ni domona na vura­vura, se na veika e tu e vuravura. Ke dua e domona na vuravura, na loloma nei Tamada e sega vua. 16 Na veika kece vakavuravura, na gagano ni leweniyago, na dodomo ni mata, se na qaciqacia ni bula, e sega ni vu mai Vua na Tamada, e vu ga mai vura­vura. 17 Na vuravura e sa seyavu yani vata kei na kena dodomo kecekece, ia o koya e cakava tiko na inakinaki ni Kalou (Elohim), e na bula tiko me tawa mudu.
I Joni 2:15-17



Raica mada se mataqali loloma vakacava e vakarautaka tiko vei keda na Tamada, me rawa kina meda vakatokai ni da luve ni Kalou (Yahweh)! Qori e sega tiko kina ni kilai keda o vuravura, baleta ni a sega ga ni kilai Koya.
I Joni 3:1




O koya e vakabauta ni o Jisu (Yahshua) na Karisito ( Messiah), e a vakatuburi mai Vua na Kalou (Elohim); ia o ira yadua era lomani koya e a veivakatuburi, era na lomani Koya talega e a vakatuburi. 02 E na ka oqo eda na kila kina ni da lomani ira na luve ni Kalou (Elohim), oya ni da lomana na Kalou (Elohim), eda qai muria matua na Nona ivakaro. 03 Oqori sara ga na loloma ni Kalou; ni da muria na Nona ivakaro. Na Nona ivakaro e sega ni icolacola bibi. 04 Na cava ga e vakatubura na Kalou (Elohim), e na dau rawa na vuravura; ia oqo na kaukaua e rawai kina na vuravura - na noda vakabauta. 05 O cei beka o koya e sa rawa na vuravura, o koya ga e vakabauta ni o Jisu (Yahshua) e luve ni Kalou (Elohim)?

I Joni 5:1-5.

Wilika Talega Ke Rawa
Vakarua 30:11-16; Joni 15:17-25; I Joni 4 :7-21.

Ni dau Veilomalomani Vakataki Kemuni.

Na iTakitaki ni iKatinikawalu ni Siga ni Tiseba

Kemuni ra gone lalai, na veika oqo au vola yani vei kemuni baleta au vinakata moni kakua ni valavala ca. Ia ke dua e mani valavala ca, e sa tiko vata kei Tamada e dua na noda Mata, oya o Jisu Karisito (Yahshua the Messiah) na Yalododonu. 02 Ia o Koya e imadrali ni noda ivalavala ca; ia e sega ni baleti keda ga, ia e baleta talega na ivalavala ca e vuravura raraba.
03 E na veika oqo eda na kila kina ni da kilai Koya, kevaka eda bula tiko na Nona iVakaro. 04 O koya e kaya, ‘Au kilai Koya,’ qai sega ni muria na nona iVakaro, e dau ni lasulasu, baleta na dina e sega ni tiko vua.
05 Ia o koya ga e dau muria na Nona vosa, e dina ni sa bula vinaka tiko e lomana na loloma ni Kalou (Elohim). Qori na sala eda kila kina ni da sa duavata tiko kei Koya. 06 O koya e kaya ni sa bula tiko kei Koya, o koya qori e dodonu sara ga me lako muria tiko, na Nona ilakolako. 07 Kemuni na mataveitacini, au sega ni volavola tiko yani me baleta e dua na ivakaro vou, ia me baleta ga na ivakaro makawa a se tiko vata kei kemuni mai na ivakatekivu. E ivakaro makawa, oya ga na vosa oni se rogoca sara mai na ivakatekivu. 08 Ia e dua na ivakaro vou au vola tiko yani vei kemuni, e dua na ka e dina vua, ka dina talega vei kemuni, baleta na botubuto sa seyavu oti yani, ia na rarama dina sa cila tiko.
-I Joni 2:1-8.

“E dua na ivakaro vou Au sa na solia vei kemudou, oya mo dou dau vei­lomalomani vakataki kemudou; me vaka Au dau lomani kemudou, o kemudou talega mo dou dau veilomalomani vakataki kemudou. 35 “E na ka oqo, e na kilai raraba kina ni dou Noqu tisaipeli, kevaka dou dau veilomalomani o kemudou vakataki kemudou.
-Joni 13:34-35.



Wilika Talega Ke Rawa
I Tui 8:46-51; Same 119:9-11; Joni 14:15;
Iperiu 2:17-18; 4:14-16; 7-9; I Joni 3:11-24.

A Dedication
Dedicated to my brother-in-law, Qasenivuli Tavite Loaloa (7th August 1950 to 11th December, 2007), who died late last week and was buried today in Nasinu. He is survived by Alena, Tony, Ilaisa and Odila.

Na Kalokalo Volasiga.

Na iTakitaki ni iKatinikavitu Ni Siga Ni Tiseba

16 Keitou a sega ni muria na itukuni buli vakalawaki ca, e na gauna keitou a vunautaka kina vei kemuni na Nona kaukaua kei na Nona na lako mai na noda Turaga (Master) o Jisu Karisito (Yahshua Messiah), baleta keitou a ivakadinadina ni Nona itutu vakatui (majesty).
17 Baleta o Koya, e a ciqoma mai Vua na Kalou (Yahweh) na Tamada na veivakarokorokotaki kei na veivakalagilagitaki, ni rogo Vua e dua na domo mai na lagilagi e daumaka vakaoti, “Oqo na Luvequ tagane daulomani, au dau talei­taka vakalevu.”
18 Ia na domo oqori e a rogo mai lomalagi, keitou a rogoca e na gauna keitou a tiko kina vata kei Koya e na ulunivanua tabu.
19 Oqori, e vakadeitaka vei keitou na vosa ni parofisai, ka sa na vinaka kina vei kemuni moni galeleta me vaka e dua na icina e cila tiko e na butobuto, me yacova ni sa kida na siga, ka cabe na kalokalo volasiga e vuni yalomuni;
20 ia moni kila taumada tiko, ni sega ni dua na vosa ni parofisai e na iVola Tabu, e rawa ni vakadewataki vakatamata, 21 baleta na parofisai era a sega ga ni vu mai na inaki ni tamata, ia o ira ga na tamata vakatabui ni Kalou (Yahweh) era dau vosa ga ni sa tosoi ira na Yalo Tabu.
-2 Pita 1:16-21


105 Na Nomuni vosa e icina e yavaqu,
ka rarama ni noqu sala
-Same 119:105.


16 O Au, o Jisu (Yahshua), Au a talai ira yani na Noqu agilosi me ra lai vakadinadinataka na veika oqo vei kemuni na lewe ni isoqo­soqo lotu. O Au, Au vu kau luvei Tevita talega, Kau rarama ka kalokalo volasiga.”
-Vakatakila 22:16.


Wilika Talega Ke Rawa
Jeremaia 26; Emosi 3:1-8; Aisea 61;
Marika 9:2-9; Luke 1:1-4

Na Vatu Vakaitamera ni Bula.

Na iTakitaki ni iKatinikaono Ni Siga Ni Tiseba

01 Sa dodonu kina moni biuta laivi vaka­dua na yaloca kecega, na yalo ni lawaki ca kecega, na yalo ni veivakaisini, kei na yalovuvu kecega,
02 moni vaka e dua na gone sucu vou, moni gadreva na sucu savasava vakakaoti mai na vosa, me rawa ni oni tubu bulabula mai kina,
03 kevaka e dina, ni oni sa tovolea oti, na Nona yalololoma na Turaga (Yahweh).
04 Lako mai Vua, me vaka oni lako tiko vua e dua na vatu ni bula, sa besetaki oti tu mai vei ira na tamata, ia e a digitaki ga mai Vua na Kalou (Yahweh) ka sa dau vakamareqeti,
05 o kemuni talega, oni vatu bula, oni sa tara cake tiko moni vale vakayalo, e dua na matabete yalosavasava, moni na dau vakacabora na imadrali vakayalo, e vakadonui Vua na Kalou (Yahweh) e na yaca i Jisu Karisito (Yahshua Messiah).
06 Qori e a tukuni tale ga kina e na iVola Tabu,

“Raica au sa vakotora mai Saioni
Na ulu ni ivakadei ni tutu ni vale, digitaki, ka vakamareqeti
Ia o koya e vakabauti Koya, e na sega ni dua na sala me na vakamaduataki kina.”

07 Vei kemuni oni vakabauta, o Koya e vakamareqeti; ia vei ira era dau talatalaidredre,

“Na vatu era a besetaka na mataisau,
Sa mai yaco me ulu ni ivakadei e na tutu ni vale,”

08 sa yaco talega.

“Me dua na vatu ni tatarabe,
Ka vatu ni veivakaleqai.”

Era tarabe, baleta na nodra talaidredre ki na vosa, me vaka ni a nodra i wasewase ga.
09 Ia o kemuni oni itabatamata digitaki, e dua na matabete vakatui, e dua na matanitu lagilagi, oni Nona tamata digitaki, moni na mai vakaraitaka na vakavinavinaka e na vukuna o Koya e kacivi kemuni laivi mai na butobuto i na Nona rarama veivakurabuitaki; 10 o ira era a sega tu ni dua na kawatamata, ia nikua era sa dua na kawatamata ni Kalou (Yahweh); era a sega ni dau rawata na veivosoti, ia oqo era sa rawata na veivosoti.
I Pita 2:1-10.


Wilika Talega Ke Rawa
Same 34; 118:22-29; Aisea 28:16-17;
Maciu 16:13-19; Luke 20:9-19; Iperiu 5:11-14

Na Yalayala Ni Veivueti.

Na iTakitaki Ni iKatinikalima ni Siga Ni Tiseba

03 Me vakavinavinakataki na Kalou (Elohim) na Tama ni noda Turaga (Master) o Jisu na Karisito (Yahshua the Messiah), o Koya, baleta na ilevu ni Nona loloma, e sa vakatubura oqo vei keda e dua tale na inuinui vou ni bula, mai na Nona a vakaturi Jisu na Karisito (Yahshua the Messiah) mai na mate, 04 ki na dua na ivotavota, e sega ni vakarusai rawa se vakadukadukalitaki rawa, ka na sega tale ga ni seyavu rawa, ka ni sa maroroi tu mai Lomalagi me nomuni; 05 o kemuni, oni sa taqomaki tu e na kaukaua ni Kalou (Yahweh), e na vakabauta ni veivakabulai sa vakarau tu me na vakatakilai e na ivakataotioti ni gauna.
06 Na veika oqo, oni na mamarau dina kina, ia wale mada ga oqo, vakalekaleka ga, kevaka e gadrevi, oni na vakararawataki e na vica na ka ni veivakatovolei, 07 e na vuku ni dina ni nomuni vakabauta, ka ni talei cake mai na koula e rawa ni rusa, e dina ga ni dau vakatovolei e na bukawaqa, me na qai rawa kina ni kune ni dodonu me vakacaucautaki, me vakavina­vinakataki ka vakarokorokotaki e na gauna sa vakatakilai mai kina o Jisu na Karisito (Yahshua the Messiah); 08 e dua, oni se bera ni raica, ia oni sa dau lomana. E dina beka e na gauna oqo, ni oni sebera ni raici Koya, ia e na nomuni vakabauta ga, oni sa dau marautaki Koya kina e na mataqali reki kei na veivakarokorokotaki e sega na vosa me vakamacalataka rawa, 09 e na nomuni sa rawata na icovi ni nomuni vakabauta - oya na kena sa vueti ni nomuni bula.
10 Na veika me baleta na veivueti oqo, era a vaqaqa ka vaqara vakayalomatua o ira na Parofita, era qai parofisai­taka na kena na tadu mai vei kemuni na ka ni loloma soliwale oqo,11 e na nodra via kila na cava, ka vaka kina e na gauna cava e na yaco kina, me vaka e a dusimaka tiko mai vei ira, na Yalo i Karisito (Spirit of the Messiah) e tiko e lomadra, o Koya e a vakamacalataka taumada vei ira na veika me baleta na veivaka­rarawataki nei Karisito (Messiah) kei na lagilagi e na muria mai.
12 E a vakaraitaki vei ira, ni veiqaravi era vakayacora tiko e sega ni caka me baleti ira ga vakataki ira, ia e na vukuda o keda, era mai qarava tiko kina na veika sa tukuni oti vei kemuni, mai vei ira era sa mai vunautaka oti na itukutuku vinaka e na kaukaua ni Yalo Tabu, e a vakau sobu mai Lomalagi - na veika era dau mateca tu o ira na agilosi, me ra kila.
-I Pita 1:3-12.


Wilika Talega Ke Rawa
Aisea 52:13-53; 12; Sakaraia 13:7-9;
Iperiu 1-2; Jemesa 1

Qarauna Vinaka Na Yame Ni Tamata.

Na iTakitaki ni iKatinikava Ni Siga Ni Tiseba

01 Kemuni na noqu mataveitacini, laiva me kakua so ni levu me ra ivaka­vuvuli, baleta eda kila ni keimami na sotava na itotogi e bibi cake. 02 Baleta e na levu sara na ka eda dau tarabe kina e matadra na tani. Ke dua e se bera ni tarabe e na vosa, o koya oqori e tamata dodonu vakaoti, e na rawarawa vua me lewa matua na yagona taucoko. 03 Raica mada ni da na vesuka na ose mai gusuna, me rawa ni talai rawarawa vei keda, me rawa talega ni da veigoleyaka na yagona taucoko. 04 Raica talega na waqa; e dina ni ra vakavakaitamera era qai dau veiciriyaki tu e na kaukaua ni cagi, ia e na vagolea rawa ga e dua na iuli lailai wale, mai na nona gagadre o koya e kena kavetani. 05 E vakakina na yame, ni dua ga na tiki ni yago lailai wale, ia e rawa ni dokadokataka na ka vakavakaitamera. Raica mada na vakaitamera ni ka e rawa ni kama yavu, ia e tekivu ga mai na dua na yameni bukawaqa lailai! 06 Na yame e dua na bukawaqa, ka vuravura ni veivakacalai. Na yame e na kena itokatoka, e rawa ni vakavelavelataka vakadua na vo ni yagoda taucoko, e na rawa ni tekivuna na vakamai ni noda bula taucoko; ke da sa lai tini yani e na bukawaqa mai Qehina. 07 Na veimataqali manumanu kila kece vata kei na manumanu vuka, na manumanu daudolo kei na manumanu ni wasawasa, e rawa ni ra vakamanoataki, ka ra sa vakamanoa­taki oti mai vei ira na kawatamata. 08 Ia na yame, e sega ni dua na tamata e rawa ni vakamanoataka. Qo e dua na vunica e tawavakacegui rawa, ka sinai vutuvutu tu e na gaga e veivakamatei. 09 E na yame eda vakacecerea kina na noda Kalou (Elohim) na Tamada, ia e na yame talega eda rukaki ira kina na tamata, o ira era buli me ra veiucui kei na Kalou (Yahweh). 10 Mai na gusuda e duabulu, e rogo mai kina na veivakacerecerei kei na veivaka­cacani. Kemuni na noqu mataveitacini qo e sega ni dodonu me vakakina. 11 E dua beka na mataniwai e rawa ni vakavurea cake na waidranu kei na wai velavela? 12 E rawa beka ni dua na vunilolo, kemuni na noqu mataveitacini, me vuataka na vuani olive se na vunivaini na vuani lolo? E na sega talega ni rawa ni dua na mataniwai, me vure ruarua mai kina, na waitui kei na waidranu.
-Jemesa: 3:1-12.


Wilika Talega Ke Rawa
Same 12; Vakaibalebale 6:16-19, 10:18-2, 31-32,
Vakaibalebale 12:17-19, 22.

Na Yalomatua E Kune E Na Veivakatovolei.

Na iTakitaki Ni iKatinikatolu ni Siga Ni Tiseba

02 Kemuni na taciqu, moni okata me ka ni reki, ni oni sa sotava na veimataqali vakatovolei, 03 e na nomuni kila, ni kena vakatovolei na nomuni vakabauta, e na vaqaqacotaka na vosota. 04 Ia laiva na vosota me vakavatukana e na nona cakacaka vinaka vakaoti, me rawa ni oni vinaka vakaoti ka taucoko, me kakua kina ni dua na nomuni leqa. 05 Ke dua vei kemuni e lailai tiko vua na vuku, laiva vua me kerea mai Vua na Kalou, (Elohim) o Koya e dau solia vakayauyau vei keda kece ka sega ni maninitaka; e na qai soli dina vua. 06 Ia laiva vua me kerekere ga e na vakabauta, ka me kakua na vakatitiqa. Baleta o koya e dauvakatitiqa e vaka na biau ni wasawasa, e veitosoyaka ka veibiliyaka tu ga na cagi. 07 Laiva na tamata oqori me kakua ni nanuma ni na ciqoma e dua na ka mai Vua na Turaga (Sovereign); 08 na tamata dau lomaloma rua, e sega ni dei na nona ivakarau kece.
Jemesa: 1: 2-8

12 E kalougata na tamata e vosota na veivakatovolei; baleta e na gauna e sa rawata vinaka kina, e na ciqoma na isala­vakatui ni bula, sa yalataka tu na Turaga (Yahweh) vei ira era lomani Koya. 13 Laiva me kakua ni dua e kaya ni sa temaki, “E temaki au tiko na Kalou (Yahweh)”; baleta na Kalou (Elohim) e sega ni rawa ni temaki e na ca, ka na sega talega ni temaka e dua na tamata o Koya. 14 Ia na tamata yadudua, e na temaki ni sa vakayarayarataki koya na nona gagano o koya vakataki koya, me qai rawai. 15 Ni sa kunekune na gagano oqori, e na qai vakasucuma na ivalavala ca; ia na ivalavala ca, ni sa tubu levu, e na qai kauta mai na mate.
-Jemesa: 1:12-15.


Wilika Talega Ke Rawa
Jope 1-42; Maciu 6:9-13; 21:18-22;
I Korinica 10:12-13.

O Ira Na Dau Ni Vakabauta – Wase E Rua.

Na iTakitaki Ni iKatinikarua ni Siga Ni Vula o Tiseba

11 E na vakabauta talega, a ciqoma kina o Sera na kaukaua me kunekune tale, me qai vakasucuma e dua na gone, ni sa sivi makawa na Nona yabaki ni vakaluveni, baleta ni a sega ni vakatitiqa­taka na Nona yalodina o Koya a cavuta na vosa ni yalayala. 12 Eda raica eke ni a tubu mai vua e dua na tamata, e dua e sa voleka tu ni mate, me ra sucu mai kina era le vuqa, e vaka na veikalokalo mai lomalagi na kedra iwiliwili - era sega ni wili rawa me vaka na mata ni nuku e matasawa.
-Iperiu 11:11-12.


17 E na vakabauta, o Eparayama, ni sa vakatovolei, e a vakacabori Aisake cake; oya o koya e a ciqoma na yalayala e sa cabora cake tale na luvena tagane duabau a vakatubura, 18 o koya e sa tukuni oti vua, “Na nomu kawa e na tubu mai vei Aisake,” 19 e na nona kila deivaki toka ni Kalou (Elohim) e na rawa ni vakabulai koya tale, mai na mate mada ga; oya me tautauvata ga ni sa ciqomi koya tiko ni sa vakabulai oti mai na mate.
-Iperiu 11: 17-19.


24 E na vakabauta, o Mosese e na gauna sa tubu cake kina me cauravou, e a sega ni vinakata me wili me luvena tagane na luvei Fero yalewa, 25 ia qai vinakata cake me vosota me vakararawataki vata kei ira na tamata ni Kalou (Elohim), mai na marautaki ni bula maleka lekaleka wale ni ivalavala ca, 26 e na nona vakabibitaka ni iyau levu cake sara na veivakacacani e rawa ni yaco e na vukuni Karisito (Messiah), mai na iyau e kune vakayauyau mai Ijipita, baleta a vakanamata tikoga o koya e na icovi e toka mai muri. 27 E na vakabauta; e a biuti Ijipita kina o koya, e na nona sega ni rerevaka na leva ni tui, a qai vosota toka o koya, baleta ni vakanamata tiko ga o koya, vei Koya e tabogo.
-Iperiu 11: 24-27.

39 Ia o ira kece qo, era sa taura toka oqo na ivakadinadina ni ivalavala vinaka, ia era se bera tikoga ni ciqoma na veika a yalataki, 40 baleta na Kalou (Elohim) e na nona nanumi keda vata tiko, a qai vakarautaka kina eso na ka e vivinaka cake ka lelevu cake me na noda vata, me kakua kina ni vakavinakataki ira oqo ni sebera o keda.
-Iperiu 11: 39-40.


Wilika Talega Ke Rawa
Vakatakila 21-22; Lako Yani 2-3; Iperiu 10:36-39

O Ira Na Dau Ni Vakabauta – Wase E Dua.

Na iTakitaki Ni iKatinikadua ni Siga Ni Tiseba

Na vakabauta; oqori na noda kila ni na yaco dina na veika eda nuitaka tiko, ka ivakadinadina ni veika e se bera ni laurai. Baleta e na vakabauta, o ira na qase era a rawata kina na kedra irogorogo vinaka. E na vakabauta, eda kila kina ni a buli na yavu ni veitabagauna e na vosa ni Kalou (Yahweh), me qai rawa kina vei ira na veika era laurai votu, me ra a buli e na veika e sega ni laurai rawa. E na vakabauta, o Epeli e a cabora Vua na Kalou (Elohim), na isoro e daumaka vakaoti, mai na kena a cabora o Keni, a qai vakadinadinataki kina na nona yalododonu, ni a ciqoma na nona iloloma na Kalou (Elohim); na vuna oqori, e dina ga ni sa mate oti, e se veitalanoataki tikoga. E na nona vakabauta e a tokitaki kina o Inoke me kakua ni raica na mate, “a qai sega kina ni kune, baleta ni a mai tokitaki koya na Kalou (Elohim)”; baleta ni se bera ni tokitaki, e a vakadinadinataki ni a dau vakayalovinakataka na Kalou (Elohim) o koya: Ia ke sega na vakabauta, e na sega ni vakayalovinakataki rawa vakadua o Koya, baleta o koya e torova mai na Kalou (Elohim), e dodonu me vakabauta mada ni tiko o Koya, ka vakabauta ni o Koya e dau vakaicocovitaki ira era vaqarai Koya tiko vakayalomatua. E na vakabauta, o Noa, ni sa vakarogoi oti vua na Kalou (Yahweh) na itukutuku ni ka e se bera ni yaco, e a qai yavala e na rere vakalou, ka taya e dua na waqa ni usa manumanu, me ratou vakabulai kina na nona matavuvale, qai vakarusai vuravura kina o koya, me rawata kina na Nona iwasewase vakaitaukei ni yalododonu e vakayavutaki e na vaka­bauta. E na vakabauta e a vakamuria kina o Eparayama na kaci me lako i na dua na vanua, sa nakiti tu me na nona iwasewase mai muri. A lako yani o koya, ia a sega mada ga ni kila na vanua a lako tiko kina.
Iperiu 11:1-8


Wilika Talega Ke Rawa
Vakatakila 1; 4:1-16; 5:23-24; 6-8;
Jiuta 14-15

Jisu Na Noda Bete Levu.

Na iTakitaki Ni iKatini Ni Siga Ni Tiseba

Baleta ni da sa raica ni sa tiko e dua na noda bete levu cecere e sa curuma yani na lomalagi, oya o Jisu (Yahshua) na Luve ni Kalou (Son of Elohim), laiva meda taura matua sara tiko na noda vakabauta. Baleta o keda e sega ni noda bete levu, e dua e dredre me tarai koya na noda nuiqawaqawa baleta na noda malumalumu; ka ni a sa sotava me vakataki keda ga, na veimataqali veivakatovolei kece eda dau sotava, ia e a sega ga na Nona ivalavala ca. Laiva sara meda toro voleka vakadoudou i na itikotiko vakatui ni loloma, me rawa ni da lai kunea e keya na veivosoti vata kei na yalololoma, me vukei keda e na noda veigauna ni leqa­leqa.
-Iperiu 4:14-16

O koya, e na Nona gauna vakatamata, ni dau vakacabora cake na masu kei na vakatakekere, e na tagitagi kei na tuturu ni wai ni matana, vei Koya e rawa ni vueti Koya mai na mate, e a dau rogoci, baleta ni dau rere vakalou, e dina beka ni a dua na Luvena o Koya, e a vulica ga na talatalai rawa­rawa mai na veika rarawa a dau sotava. Ia ni sa yaco me vinaka vakaoti, sa qai yaco o Koya me itini ni bula tawamudu vei ira kece era dau talai rawarawa Vua, ka ni a kacivi mai Vua na Kalou (Elohim) me bete levu, “e na ivakatagedegede nei Melekisiteki.”
-Iperiu 5:7-10

Sa dodonu ga kina, e na veika kece, me tautauvata vakaoti o Koya vata kei ira na mataveitacini, me qai rawa kina ni yaco me Bete Levu dau yalololoma ka dau yalodina e na veika me baleta na Kalou (Elohim), me qai yaco me imadrali ni nodra ivalavala ca na tamata kece. Baleta ni o Koya vakataki Koya e na nona a dau vakararawataki, e rawarawa sara kina Vua me vukei ira era dau temaki.
-Iperiu 2:17-18


Wilika Talega Ke Rawa
Vakatekivu 14:18-20; Same 110; Maciu 4:1-11

Na Yaga kei na Bibi Ni iVola Tabu.

Na iTakitaki Ni iKaciwa Ni Siga Ni Tiseba

Ia mo kila vinaka tiko oqo, ni na yaco mai na gauna dredre vakaoti e na ivakataotioti ni gauna. Baleta na tagane era sa na veidomoni ga vakataki ira, kocokoco, dokadoka, qaciqacia, dau veivakaisini, dau talatalai dredre vei ira na itubutubu, sega ni dau vakavinavinaka, ka yalo dukadukali, e na sega vei ira na veilomalomani, sega na veivosovosoti, era na dau vosa veivakacacani, sega ni dau qaqarauni, dau veivakararawataki, dau sesevaka na ka e vinaka, dau veitoyaki, dau yalokatakata, dau yalolevu, ka dau vinakata vakalevu cake na lasa vakavuravura mai na taleitaki ni Kalou (Yahweh) ka na kune vei ira e dua na mataqali ivukivuki vakalou, ia era na dau cakitaka tikoga na kena kaukaua. Mai vei ira na tamata vata oqo, mo dau drolaivi.
-II Timoci 3:1-5

Ia o sa muria tiko vakavinaka na noqu ivakavuvuli, na itovo ni noqu bula, na inakinaki, na vakabauta, na vosovosota vakadede, na loloma kei na gugumatua, na veivakacacani, na veivakararawataki me vaka a yaco vei au mai Anitioki, mai Aikoniema kei Lisitira; na veivakacacani kece oqori au a vosota. Ia mai vei ira kece oqori, na Turaga (Sovereign) ga a qai vueti au. Io, o ira kece era bula vakalou, vata kei Karisito Jisu (Messiah Yahshua), era na sotava na veivakararawataki. Ia o ira na tamata ca kei ira na daulotu lasulasu e na toro sobu tiko ga na cacalaivi ni nodra veivakacalai vata kei na nodra vakacalai. Ia o iko, mo yalodina tikoga e na veika o sa vulica ka sa vakadinadinataka, ka mo dau nanumi koya e a vakata­vulica oqori vei iko, baleta mai na gauna sara o se gone lailai kina o a sa dau kila tu na iVola Tabu; e na kauta mai vei iko na vuku, o na rawata kina na bula e rawa mai na vakabauta e kune vei Karisito Jisu (Messiah Yahshua). Na iVola Tabu e a soli mai e na veivakauqeti ni Kalou (Yahweh); ka yaga e na veivakatavulici, e na veivosataki, e na veivakadodonutaki, kei na veituberi e na yalododonu, me vakataucokotaki kina na tamata ni Kalou (Elohim), ka vakarautaki ira e na vukuni cakacaka vinaka kecekece.
-II Timoci 3:10-17


Wilika Talega Ke Rawa
Aisea 40:6-8; Maciu 5:10-12; Cakacaka 14;
II Korinica 4; 12:1-10; I Pita 1:23-2:3

Na iValavala Va-Kalou Kei Na Bula Vakacegu.

Na iTakitaki Ni iKawalu Ni Siga Ni Tiseba

O koya e vakatavulica na veibasai ni ka oqo, ka sega ni duavata kei na vei vosa momona ni noda Turaga (Master) o Jisu Karisito (Yahshua Messiah), vata kei na ivakavuvuli e kune e na itovo vakalou, e viavialevu, e sega ni kila e dua na ka, ka ni taleitaka cake na veileti kei na veisa vosa, ka dau vakavurea na yalovuvu, na veisei, na veicacati kei na veiqati ca, qai vakavuna me tubu tikoga na veileti e tawayaga e na kedra maliwa na tamata era dau loma ca ka lailai vei ira na dina, baleta era nanuma tiko ni sala ni bula vakalou e sala ni rawa iyau. Mo dau yawaki iko mai vei ira oqori. Na bula vakalou ga vata kei na kena yalovakacegu, e iyau levu duadua. Eda a sega ni kauta mai e dua na ka i na vuravura oqo, eda na sega talega ni kauta laivi rawa e dua na ka. Ke sa tu vei keda na kakana kei na isulu, sa dodonu meda vakacegu, O ira era gadreva me ra vutuniyau, era na lutu i na veitemaki kei na vere, era qai tini tacori e na veimataqali gagadre lialia kei na gagano ca e lomoci ira tiko na tamata ki na leqa kei na rusa. Baleta na kocovi ni ilavo, e dua vei ira na ivuvu ni veimataqali cala kecega, ka sa vakavuna tiko na nodra dri tani mai na vakabauta eso, baleta na nodra kocokoco, e kauta ga mai vei ira vakataki ira na veimataqali yaluma.
-I Timoci 6:3-10


Vakarota vei ira era vutuniyau e na itabagauna oqo, me ra kakua ni dokadoka se vakanuinui i na iyau tawadei ia Vua ga na Kalou (Yahweh) bula, o Koya e solia vakayauyau vei keda na veika meda rekitaka. Laiva me ra caka vinaka, me ra vutuniyau kina e na cakacaka vinaka, ka dau tu vakarau tu me ra solia ka wasea, me ra qai vakotora kina e na vukudra e dua na yavu e vinaka vakaoti e na vuku ni itabagauna se tu mai, me rawa ni ra qai tatakube toka kina e na bula e tawamudu.
-I Timoci 6:17-19


Wilika Talega Ke Rawa
Same 112:4, Vakaibalebale 11:24-26; 14:31; 19:17;
Vakaibalebale 22:9; 28:8; Luke 13:34; 16:1-15;
Filipai 4:10-14.

Na Cakacaka E Vinaka

Na iTakitaki Ni iKavitu Ni Siga Ni Tiseba

Ia keitou vakaroti kemuni tiko yani, kemuni na mataveitacini, e na yaca ni noda Turaga (Master) o Jisu Karisito (Yahshua the Messiah), moni kakua ni veitokani kei ira na tacida era lako tu vakaveitalia ni ra sega ni muria na itovo era a ciqoma mai vei keitou. Baleta oni sa kila vinaka tu ni dodonu moni vakatotomuri i keitou; baleta keitou a sega ni lako tu vakaveitalia e na kemuni maliwa; ka keitou sega ni dau kania wale tu ga na kena madrai e dua tale, ke keitou se bera ni sauma, ia keitou dau cakacaka ka ogaoga e na bogi kei na siga, me rawa ni keitou kakua ni icolacola vua e dua vei kemuni. Ia e sega ni kena ibalebale oya ni sega ni tiko vei keitou na kena dodonu, ia keitou cakava ga me keitou ivakaraitaki kina ni itovo oni na rawa ni vakatotomuria. Baleta e na gauna mada ga keitou a tiko kina vata kei kemuni, keitou a vakarota tiko vei kemuni oqo; ke dua e sega ni via cakacaka, ia me kakua talega ni kana. Keitou sa mai rogoca, ni tiko eso vei kemuni, era sa dau mokusiga voli ga, baleta era sega ni via cakacaka, era qai dau veivakasosataki wavoki tu. Vei ira oqori, keitou vakaroti ira tiko yani oqo, ka vakamasuti ira talega e na yaca ni noda Turaga (Master) o Jisu Karisito (Yahshua the Messiah), me ra dui cakacaka ga vakataki ira, ka me ra qai kania ga na kedra dui madrai. Ia o kemuni, kemuni na mataveitacini, ni kakua ni vakacauoca e na cakacaka vinaka. O koya e sega ni via muria na neitou ivakaro e na neitou ivola oqo, raica matua tiko na tamata oya, ka moni kakua ni veitokani vata kei koya, me rawa kina ni bau madua. Ia kakua ga ni wiliki koya me dua na meca; vakatavulici koya ga me vaka e dua na tacida.
-II Cesalonaika 3:6-15


Wilika Talega Ke Rawa
Vakatekivu 1:26-30; 2:15; I Korinica 9;
II Korinica 12:12-18; I Cesalonaika 2:1-12

Na Sotasota E Macawa Lala.

Na iTakitaki Ni iKaono Ni Siga Ni Tiseba

Ia, au sega ni vinakata moni lecaika tiko, kemuni na mataveitacini, e na vukuni veika me baleti ira era sa moce lutu tu, de na dau yaco vei kemuni na yaloluluvu, sa dau yaco tu vei ira e sega na nodra inuinui. Baleta kevaka eda vakabauta ni a mate o Jisu (Yahshua) oti qai vakaturi tale, ia e na kena ivalavala vata ga oqori, o ira talega era sa moce lutu tu e na yaca i Jisu (Yahshua) e na kauti ira vata mai kei Koya na Kalou (Elohim), Oqo keitou via vakadewataka yani vei kemuni, ni keitou a rogoca mai na Nona vosa na Turaga (Yahweh), ni o keda eda na bula tiko me yacova na gauna me lako mai kina na Turaga (Master), eda na sega ni tarovi ira era sa mocelutu tu. Baleta na Turaga vakataki Koya e na siro mai lomalagi e na dua na kaila, na domo ni dua na agilosi-liu, vata kei na Nona davui na Kalou (Yahweh), o ira era a mate e na vukuna na Karisito (Messiah) era sa na imatai sara ga me ra vakaturi. Oti, o keda eda se bula tiko ka se vo voli, eda na qai soqoni yani vata kei ira e na o, meda lai sota kei Jisu (Master) e macawa lala, meda sa na lai tiko tawamudu vata kei na Turaga (Yahweh). Na vosa oqori, moni dau veivakacegui tiko kina, o kemuni vakataki kemuni.
-I Cesalonaika 4:13-18

E na veika me baleta na itabagauna kei na iwasewase ni gauna, e sa na sega tale ni yaga vei au, meu volavola yani kina, kemuni na mataveitacini. Baleta o kemuni vakataki kemuni oni sa kila vinaka tu ni na yaco mai na nona siga na Turaga (Yahweh), me vaka e dua na daubutako e na bogi buto. Baleta e na gauna era na kaya kina, “Sa yaco mai na veimaliwai vinaka kei na bula sautu!” qori na gauna e na yaco vakasauri kina vei ira na veivakacacani, me vaka ni yaco vakasauri na vutu ni taratara vua e dua na yalewa bukete; era sa na sega ni dro rawa. Ia o kemuni, kemuni na mataveitacini, oni sega ni tiko e na butobuto, me na vakidacalataki kemuni kina na siga oqo, me vaka e dua na daubutako.
-I Cesalonaika 5:1-4

Wilika Talega Ke Rawa
Taniela 12:1-3; Maciu 24:2; II Pita 3;
Vakatakila 3:1-6

Na Karisito E Cecere Duadua.

Na iTakitaki Ni Ikalima Ni Siga Ni Vula o Tiseba

O Koya e iyaloyalo ni Kalou (Elohim) sa tabogo, ka ulumatua vei ira na veika buli kece sara. Baleta, e na vukuna o Koya, era a buli kina na veika kece e lomalagi, kei na veika kece era tiko e vuravura, laurai se sega ni laurai, se ra itutu vakatui, se o ira era daunivakavulewa, se o ira era daulewa. Na veika kece era a buli e na vukuna, me ra na mai yaga Vua. O Koya, e liu duadua e na veika kece, ka vakataudeitaka na veika kece. O Koya e ulu ni yagona, oya na isoqo­soqo lotu, o koya e ivakatekivu, ka isevu vei ira na vakaturi mai na mate, me rawa ni vakaliuci tikoga o Koya e na veika kece. Baleta ni talei Vua na Tamada me kune taucoko Vua na vuabale ni veika kece, ni sa kauta mai na veisaututaki mai na dra a dave mai na Nona kauveilatai e a qai yaco Vua, na kena vakaduavatataki lesu yani Vua na veika kece, e na Vukuna, veitalia ke ka vakavuravura se ka vakalomalagi. Ia o kemuni, oni a dau tu yawa tu, ka kena meca tu eliu e na uto ni nomuni vakasama e na vuku ni cakacaka ca, e sa mai vakaduavata­taki kemuni tu oqo o Koya, i na lewe ni Yagona, e na Nona mate, me na qai vakacabori kemuni, ni oni sa vakatabui ka tawacala tu, ka sega ni vakamelei rawa e Matana, kevaka oni toso tikoga e na vaka­bauta, moni vakayavutaki ka tudei tu kina, moni kakua ni toso laivi mai na inuinui ni itukutuku vinaka oni sa rogoca oti, ni a vunautaki vei ira na veika buli kece e ruku ni lomalagi, kau sa mai kena italatala tu oqo, o au, o Paula.
-Kolosa 1:15-23


Wilika Talega Ke Rawa
Vakatekivu 1:26; Joni 1:1-18; Roma 5:9-11;
II Korinica 5:17-21; Kolosa 2:9-10; Iperiu 1:1-13.

Mo Kila Na Karisito (Messiah)

Na iTakitaki Ni iKava Ni Siga Ni Tiseba

Ke dua e nanuma ni levu cake na vuna e rawa ni dokadokataka kina na nona cakacaka vakatamata, o au e levu cake sara; au a teve e na ikawalu ni siga, au kawa vaka Isireli, kau lewe ni yavusa Penijamini, au Iperiu botoboto, ia e na veika me baleta na lawa, au dua na Farisi; e na gugumatua, au dau vakatubu ca vei ira e na isoqosoqo lotu, e na yalododonu e vakayavutaki e na lawa, o au, au tabucala. Ia na veika a dau bibi tu vei au, era sa mai sega tu na betedra vei au, e na vuku i Karisito (Messiah). Na veika kece oqori, au sa wilika me sega na betedra, keu vakatautauvatataka kei na uasivi ni Nona kilai o Jisu Karisito (Yahshua Messiah), na noqu Turaga (Master), baleta e na vukuna, au sa mai vakayalia kina na veika kece, ka wilika kina ni ra benu wale, ia meu rawati Karisito (Messiah) ga, meu qai kune Vua, ni sa sega na noqu yalododonu e vakayavutaki e na lawa, ia qai kune ga na yalododonu e vakayavutaki e na Nona vaka­bauti o Karisito (Messiah), e a soli mai Vua na Kalou (Yahweh) e na vakabauta; meu rawa ni kilai Koya, kei na kaukaua ni Nona vakaturi, ka wasea vata kei Koya na veika voravora a sotava, meu qai vakataki Koya kina e na Nona mate, de na qai yaco kina e dua na sala, meu na yacova talega kina na veivakaturi mai na mate. E sega ni kena ibalebale oqori niu sa rawata oti na veika oqori, se me kainaki niu sa yalosavasava vakaoti, e sega, ia au se segata tikoga meu rawata me noqu, baleta sa qisi i au oti na Karisito (Messiah) o Jisu (Yahshua), meu Nona. Kemuni na mataveitacini, au sega ni vinakata moni nanuma niu sa rawata oti me noqu na veika oqori, ia e dua ga na ka e rawa ni tukuni, oya niu sa guilecava na veika kece sa sivi, kau sa tadolova tiko yani na veika era se tu mai liu meda rawata, au se sasaga vakaukaua tiko, meu rawata na kena itinitini, oya na icovi ni veikacivi cecere ni Kalou (Elohim), e na vukui Karisito Jisu (Messiah Yahshua).
-Filipai 3:4b-14


Wilika Talega Ke Rawa
Same 1:30-33; Maciu 5:43-48; Marika 8:34-37;
Cakacaka 22:1-21; Kolosa 1:24; Iperiu 12:1-3

Na Yalomalumu Kei Na Lagilagi.

Na iTakitaki Ni iKatolu ni Siga ni Tiseba

Ia ke sa tiko na veivakacegui nei Karisito (Messiah), se na veivakacegui ni loloma, se na veiwekani e na yavu ni Yalo Tabu se na veilomani kei na yalololoma, moni vakavatukanataka na noqu marau, e na nomuni dau lomavata, ni wasea vata e dua ga na loloma, ni oni dau lomavata, ka yalovata. Laiva me kakua ni vakayacori e dua na ka e na yalo e kocokoco se yalo e veidabui, ia e na yalomalumalumu ga, laiva moni raici ira na tani ni ra cecere cake mai vei kemuni yadudua. Laiva moni kakua ni dau kauwaitaki kemuni ga vakataki kemuni, ia moni dau kauwaitaki ira tale ga na tani. Laiva na yalo oqo me tiko e lomamuni, me vaka ni a dau kune vei Karisito Jisu (Messiah Yahshua): o Koya, e dina ga ni tautauvata kei na Kalou (Yahweh), e a sega ni bau vakabibitaka na Nona tautauvata kei na Kalou (Yahweh), ia e a vakalolovirataki Koya vakataki Koya, e na nona taura na itutu vaka dauniveiqaravi, qai lako mai e na ibulibuli ni tamata. Ia ni sa kune ni tautauvata kei na dua na tamata, e a qai vakalolo­virataki Koya ka dau talatalairawarawa tiko, me yacova na Nona mate, ni a qai tini mate vakaloloma e na kauveilatai. O koya oqori, e a qai vakacerecerei Koya talega kina na Kalou (Elohim), qai solia Vua na yaca e dokai vakalevu cake mai na veiyaca kece tale eso, baleta e na yaca i Jisu (Yahshua), na duru kece sara era na tekiduru, o ira mai lomalagi kei ira e vuravura, kei ira e ruku ni vuravura; ia na yame kece sara, era na tusanaka e na nodra dui vosavosa, ni o Jisu Karisito (Yahshua Messiah) e Turaga, (Sovereign) e na Nona lagilagi na Kalou (Yahweh) na Tamada.
-Filipai 2:1-11




Wilika Talega Ke Rawa
Aisea 45:22-25; Joni 13:1-15; Roma 14:11-12;
I Korinica 15:20-28; Filipai 2:19-21; I Pita 5:5-6

Taqomaki ki na Veivueti.

Na iTakitaki Ni iKarua Ni Siga Ni Tiseba

Me tiko kei kemuni na yalololoma kei na vakacegu mai Vua na Kalou (Elohim) na Tamada kei na Turaga (Master) o Jisu na Karisito (Yahshua the Messiah). Me vakavinavinakataki tiko na Kalou (Elohim) na Tama ni Noda Turaga (Master) o Jisu Karisito (Yahshua Messiah); o Koya e sa vakalougatataki keda oti e na veimataqali veivakalougataki vakayalo, e na veitikina kece vakalomalagi, e na vuku i Karisito (Messiah); me vaka ni a digitaki keda meda Nona, ni se bera ni vakotori na yavu ni vuravura oqo, meda na yalosavasava ka tawacala e Matana e na vuku ni loloma, e a navuca kina mai liu, meda na susu meda luvena, mai vei Jisu na Karisito (Yahshua the Messiah), me vaka ni a Nona lewa marautaki ga o Koya, me qai vakavinavinakataki kina na lagilagi ni Nona loloma, ni sa mai vakadonui keda meda wili vata kei Koya na Nona daulomani. O koya, eda sa mai vakabulai oti kina, e na vuku ni Nona dra e a boko laivi kina na noda ivalavala ca, mai na titobu ga ni Nona loloma, sa solia vakayauyau tiko mai vei keda, e na vuku kei na lewadodonu e taucoko, ni sa vakaraitaka oti vei keda, na veika vuni a navuca tu, e na Nona gagadre marautaki, o Koya vakataki Koya, oya na Nona lewa, e na yaco tiko e na kena gauna lokuci, ni sa na soqona vata na veika kece e vuravura kei lomalagi i na ruku ni dua ga na iliuliu, oya o Karisito (Messiah) - me ra soqo yani Vua, o Koya e vakayavutaki Vua na noda sa wili rawa tu oqo me da na vakaivotavota, me vaka ni a Nona digidigi mai na ivakatekivu, o Koya e vakavuna me cakacaka tiko na veika kece, me vaka sa lewa oti tu, me qai rawa kina ni da vakavinavinaka­taka na Nona lagilagi, o keda eda imatai sara ga, meda vakotora na noda vakabauta Vua na Karisito (Messiah). E na Vukuna, o kemuni oni sa vakabauta talega, ni oni sa rogoca oti na vosa ni dina, na itukutuku vinaka ni nomuni na vakabulai; e na Vukuna talega, ni sa tiko na vakabauta, oni sa qai kovuti tu kina oqo e na Yalo Tabu yalataki, me ivakadei ni noda ivota­vota, me yacova ni sa rawa kece mai na noda ivotavota sa voli oti, me vakavinavinakataki kina na Nona lagilagi.
-Efeso 1:2-14




Wilika Talega Ke Rawa
Same 113; Roma 8:29-39; Efeso 2:4-10;
Vakatakila 3:5; 13:8; 20:15.

Na iCovi Ni Gauna Se Tu Mai.

Na iTakitaki Ni iMatai Ni Siga Ni Tiseba

Keitou kila vinaka, kevaka me rusa yani na noda vale vakavuravura, oya na valelaca oqo, e sa tiko e dua na noda vale e soli mai Vua na Kalou (Yahweh), e dua na vale e sega ni tara na liga, ia e tawamudu ka tiko mai lomalagi. Baleta eke eda vutugu tiko, e na noda gadreva tiko meda vakasulumi e na noda itikotiko e soli mai lomalagi, baleta ke dina, ni da sa vakasulumi oti kina, eda sa na sega ni kune ni da se luvawale tu, baleta o keda eda se tiko e na vale laca oqo eda kudru tiko e na noda nuiqawaqawa, sega soti mai na noda vinakata me luva laivi na noda isulu, ia me tataqavi tale yani, me qai tiloma na veika e vakaiyalayala na bula. O koya e solia vei keda na veika sara ga oqo, na Kalou (Yahweh), o Koya talega e sa solia oti vei keda na Yalo Tabu me kena ivakadei. O koya oqori eda na dau yalodei tu ga kina, e na noda kila ni gauna kece eda bula tiko kina e vale e na yago oqo, eda se tiko vakatikitiki mai Vua na Turaga (Master), (ka ni da lako tiko e na vaka­bauta, sega e na ka eda raica). Eda yalodei tiko, au kaya, oqori eda gadreva vakalevu cake kina meda biuta na yago oqo, me rawa ni da lai tiko vata kei na noda Turaga (Master). O koya oqori eda dau cakacaka tiko ga kina, me rawa kina ni da na vakadonui mai Vua, veitalia kevaka eda tiko kaya se tiko vakatikitiki mai vua. Eda na rairai kece i na mata ni idabedabe ni vakataulewa nei Karisito (Messiah), me rawa vei keda yadua meda ciqoma na veika eda a vakayacora e yagoda, me veiraurau kei na veika eda vakayacora, se vinaka se ca.
-II Korinica 5:1-10




Wilika Talega Ke Rawa
Dauvunau 12; Joni 11:20-27; Roma 14:1-13;
Filipai 1:20-26; I Korinica 15: 35-54.

Na iLoloma Vakayalo.

Na iTakitaki Ni iKatolusagavulu Ni Siga Ni Noveba

E na veika me baleta na iloloma vakayalo, kemuni na mataveitacini, au sega ni vinakati kemuni moni lecaika tiko kina. Moni nanuma tiko ni oni a dau kai Veimatanitu tani, ni oni a dau guta na lotutaki matakau galu, e dina beka ni oni a vakayarayarataki vei ira. Ia qo, au vinakata moni kila vinaka tiko, ni na sega ni rawa vua e dua e vosa tiko e na Yalo Tabu ni Kalou (Yahweh) me kacivi Jisu (Yahshua) ni kalouca, ka sega ni dua e rawa ni kaya ni Turaga (Sovereign) o Jisu, vakavo ga e na kaukaua ni Yalo Tabu. E levu toka na veimataqali loloma, ia e dua ga na Yalo. Era duidui na veimataqali veiqaravi, ia e dua tikoga na Turaga (Sovereign). E levu talega na veimataqali cakacaka ia e dua tiko ga na Kalou (Elohim), e cakacakataka tiko na veika kece e na vukuda. Ia na kena vakaraitaki ni Yalo Tabu e soli vei ira na tamata yadudua, me yaga vei keda kece na kena vinaka; baleta vua e dua e solia na Yalo Tabu na vosa ni vuku, ia vua e dua tale, na Yalo Tabu vata ga e solia vua na vosa ni kilaka, vua e dua tale na vakabauta, mai vua na Yalo Tabu vata ga, vua e dua tale na iloloma ni veivakabulai e na Yalo Tabu vata ga; vua e dua tale, na cakacakataki ni mana, vua e dua tale na parofisai, vua e dua tale na kena kilai na veimataqali yalo, vua e dua tale na kilai na dui vosavosa, vua e dua tale na kena vakadewataki na dui vosavosa. Ia e duavata ga na Yalo e cakacakataka na veika kece oqo me veiwaseyaka tiko vei ira yadudua, me vaka ni Nona lewa. Me vaka ni dua ga na yago, ia e levu na veitikina, na veitikini ni yago e duabau oya, e dina ni ra le levu, era dua tikoga na yago, oqori e tautauvata kei Karisito (Messiah). Baleta e na dua ga na Yalo, eda a papitaisotaki kece kina i na dua na yago - se da Jiu, se da kai Kirisi, se da bobula, se da tugalala - eda a caka kece meda gunu mai na dua ga na Yalo.
I Korinica 12:1-13.


Wilika Talega Ke Rawa
Lako Yani 31:1-6; 35:30-36:2; Roma 12:1-8;
I Korinica 13-14; Efeso 4:1-16; Iperiu 2:1-4;
I Pita 4:7-11.

E Duavata E Na Vukui Karisito Na Jiu Kei Na Kaitani.

Na iTakitaki Ni iKaruasagavulukaciwa Ni Siga Ni Noveba

Oya kevaka oni sa bau rogoca oti na ilesilesi ni veiqaravi e a soli mai e na loloma ni Kalou (Elohim), ni a soli vei au e na vukumuni oya e na kena vakatakilai vei au na veika vuni, [me vaka au a vola yani vakalekaleka sara vei kemuni, me rawa kina, ni oni wilika, moni kilakasamataka na veika au sa kila tu me baleta na veika vuni nei Karisito (Messiah)], na veika a sega ni vakarai­taki vei ira na luve ni tamata e na veitaba­gauna tale eso, me vaka e sa mai vakaraitaki tiko oqo mai vua na yalo, vei ira na apositolo kei na parofita tabu: ni o ira na kai Veimatanitu tani, era sa na vakaivotavota vakaitaukei e na yago vata ga, me ra vakaiwasewase e na Nona yalayala, e na vuku i Karisito (Messiah), me vaka e kune e na itukutuku vinaka, kau sa mai dua tu oqo na kena italatala o au, e na isolisoli ni loloma cecekia ni Kalou (Elohim) e a soli vei au, e na cakacaka yaco ni Nona kaukaua. Vei au, o au, au lolovira duadua vei ira na digitaki, na iloloma oqo sa mai soli vei au, meu vunautaka e na kedra maliwa na kai Veimatanitu tani, na itukutuku me baleta na iyau kunekune dredre nei Karisito (Messiah), meu vakatakila vei ira na tamata kece me ra raica se cava na veiqaravi ni veika vuni, e a dau vunitaki tu Vua na Kalou (Elohim), o Koya e a bulia na veika kecekece; ka kena inaki oqo, me vakaraitaki na vuku cecekia ni Kalou (Elohim) vei ira na isoqosoqo lotu, vei ira na daunivakavulewa, kei ira na kaukaua e na vei itikotiko vakalomalagi, me vaka na inakinaki tawamudu, e nakiti me kune vei Karisito Jisu (Yahshua Messiah) na Noda Turaga (Master); o Koya e vu mai Vua na noda yalodoudou, kei na sala, ni da sa vakabauti Koya.
Efeso 3:2-12.

Wilika Talega Ke Rawa
Aisea 49:1-6; Cakacaka 15; Kalatia 3:25-29;
Efeso 2:11-22.

Laiva na Veika Kecekece Me Ra Vakavinavinakataka na Kalou.

Na iTakitaki ni iKaruasagavulukawalu ni Siga ni Noveba

Aleluya.
Vakavinavinakataka na TURAGA (El) e na loma ni nona valetabu:
vakavinavinakataki Koya e na loma ni Nona lomalagi vakaitamera.
Vakavinavinakataki Koya e na vuku ni nona cakacaka kaukaua;
vakavinavinakataki Koya ni sa levu dina ga.
Vakavinavinakataki Koya e na kena uvu na Davui; vakavinavinakataki Koya e na soliteri kei na api.
Vakavinavinakataki Koya e na tibereli kei na veimeketi; vakavinavinakataki Koya e na ivakatagi vakawa kei na bitunivakatagi.
Vakavinavinakataki Koya e na sibali rogo bi:
Vakavinavinakataki Koya e na sibali e tatamelamela.
Laiva na veika kecekece vakaicegu me vakavinavinakataka na TURAGA (Yah)
Aleluya.
-Same 150: 1-6


Moni kakua ni daumateni e na waini, baleta e na kune kina na itovo lialia; ia dau vakasinaiti ga e na Yalo, ka me dau wewe ni nomuni veitalanoa na same, na sere ni lotu, na sere vakayalo, moni dau lagalaga sere me memela i vuniyalomuni, ka vaka kina Vua na Turaga (Sovereign). Dau vakavinavinaka e na veiveigauna kece e na vukuni veika kecekece Vua na Kalou (Elohim) na Tamada, e na yaca ni Turaga (Master) o Jisu Karisito (Yahshua Messiah),
Efeso 5:18-20.





Wilika Talega Ke Rawa
Aisea 49:1-6; Cakacaka 15; Kalatia 3:25-29;
Efeso 2:11-22

Vakavinavinakataka na Kalou Mai Lomalagi.

Na iTakitaki Ni iKaruasagavulukavitu Ni Siga Ni Noveba

E na gauna vata oqori, Au sa tiko tale kina vakayalo; au qai raica e dua na idabedabe vakatui ni toka mai lomalagi, qai Dua e dabe toka e na idabedabe-vakatui oqo. O koya e dabe toka kina, e laurai ni vaka e dua na vatu Jasipa kei na Satiusa na kena irairai; qai rama vakavolivolita tu na idabedabe-vakatui e dua na drodrolagi na kena irairai e vaka na emarali. Wavokita na idabedabe-vakatui, era tuvani tu e ruasagavulukava na idabedabe, ia e na idabedabe oqo au raica ni ra dabeca toka e ruasagavulukava na kena qase, era vakaisulu kece tu e na kote vulavula, ka ra tokara kece tu e uludra na isalavakatui buli e na koula. Ia mai na idabedabe-vakatui, e lidi tiko mai kina na yaseyase, lutu tiko na kurukuru, ka rorogo tiko na domo; e duri tu e vitu na icina bukawaqa era caudre tiko e na mata ni idabedabe-vakatui; oqori na Yalo ni Kalou (Elohim) e vitu. E na mata ni idabedabe-vakatui e toka e dua na wasawasa iloilo me vaka na kirisitali. Ia e na kedra maliwa na idabedabe-vakatui ka vaka kina e na veiyasana, eratou toka e va na ibulibuli bula, eratou roboti vakadua tu e na vuqa vakavuqa na yalokanimata, mai matadratou ka vaka kina mai dakudratou. Na imatai ni ibulibuli bula e vaka na laione, na ikarua ni ibulibuli bula e vaka na luveni bulumakau, na ikatolu ni ibulibuli bula e tiko na matana me vaka na tamata, kei na ikava ni ibulibuli bula e vaka na ikeli e vuka tiko.
-Vakatakila 4:2-8.

E sega ni cegu, siga kei na bogi, na nodratou kaya tiko;

“E cecere, e cecere, e cecere,
Na Turaga (Yahweh), na Kalou Kaukaua (El Shaddai),
O Koya e a bula mai liu, e bula tiko edai ka sa vakarau tu me lako mai.”

Ni ratou solia na ibulibuli bula, na nodratou veivakalagilagitaki, veivakarokorokotaki kei na eivakavinavinakataki vei Koya e dabe toka e na idabedabe-vakatui, o Koya e bula tawamudu me sega ni mudu, o ratou talega na kena qase le ruasagavulukava, eratou na lutu sobu I rukuna o koya e dabe toka e na idabedabe vakatui me ratou vakarokoroko Vua e bula tawamudu ka sega ni mudu, me ratou vakacabora na nodratou dui isalavakatui e na mata ni idabedabe-vakatui ni ratou kaya;

“E sa yaga dina ga,
Kemuni na Turaga (Sovereign), na neimami Kalou (Elohim)
Moni ciqoma na lagilagi, na vakarokoroko kei na kaukaua;
Baleta Oni a bulia na veika kece,

Ia e na vuku ga ni Nomuni reki era sa mai tu kina oqo, ka ra buli talega kina.
-Vakatakila 4: 8b-11.


Wilika Talega Ke Rawa
Lako Yani 24:1-11; Aisea 6; Same 103:20-22;
Same 148; Marika 10:17-18

Ciqoma na iLoloma Soliwale Ni Kalou E Na Vakavinavinakataka.

Na iTakitaki Ni iKaruasagavulukaono Ni Siga Ni Noveba

Na Yalo e kaya vakamatata, ni na yaco e na dua na gauna mai muri, ni so era na lutu laivi mai na vaka­bauta, me ra vakarorogo vei ira na yalo dauveivakacalai kei na nodra ivakavuvuli vakajimoni, e na nodra ivakasala lasulasu o ira e sa sei tu na nodra lewa-e-loma e na kaukaumea katakata vakaoti, ni ra vakatabuya na vakawati, ka vaka kina na nodra vakarota me kakua ni laukana na kakana sa bulia tu na Kalou (Elohim) me vakayaga­taki e na vakavinavinaka vei ira era vakabauta ka kila na dina. Na veika buli kece ni Kalou (Yahweh) era vinaka, e sega ni dodonu me vakatabui, ke ciqomi e na vakavinavinaka, baleta era sa vakalougatataki oti tu e na vosa ni Kalou (Yahweh), kei na kena masulaki. Kevaka mo vakasalataki ira tiko na mataveitacini e na veika oqo, o sa na wili mo italatala vinaka nei Karisito Jisu (Messiah Yahshua), baleta o sa vakabulabulataki oti tu e na vosa ni dina, kei na ivakavuvuli vivinaka, o sa vakamuria tiko vakamaqosa. Ia mo biliga tani na veika e macawa wale, vata kei na nodra itukuni na buinigone, ia mo vakaukauataki iko cake tikoga e na veika vakalou. Na vakaukaua yago e yaga vakalailai ga; ia na veika vakalou e yaga e na veitabana kece, ka ni kune kina na inuinui ni bula, e na gauna oqo kei na gauna e sebera mai. Qo e dua na vosa dina, e dodonu me ciqomi taucoko. Oqo talega na vuna eda mai cakacaka ka vosota tu kina na veivakalialiai, baleta eda sa vakararavi tu Vua na Kalou (Yahweh) Bula, o Koya e iVakabula (Saviour) ni tamata kecekece, vakabibi vei ira era vakabauta. Na veika oqo mo vakarota ka vakatavulica.
-I Timoci 4:1-11.


Wilika Talega Ke Rawa
I Veigauna 16:4-14; Roma 8:18-28; 14;
I Korinica 10

Vakavinavinakataka Na Kalou E Na Nona Loloma Tawa Yalani.

Na iTakitaki Ni iKaruasagavulukalima ni Siga Ni Noveba

Vakavinavinaka Vua na TURAGA (Yahweh); baleta ni yalovinaka o Koya:
Ka tawa yalani na Nona loloma.
Vakavinavinaka Vua na nodra Kalou (Elohim) na veikalou (elohim);
Ka ni tawa yalani na Nona loloma...
Vakavinavinaka vua na nodra Turaga (Sovereign) na veituraga (adonim);
Ka ni tawa yalani na Nona loloma.
Same 136:1-3.

Keirau dau vakavinavinaka Vua na Kalou (Elohim), na Tama i Jisu Karisito (Yahshua Messiah), ka keirau sa dau masulaki kemuni tiko yani e veiveigauna kece, mai na gauna keirau a rogoca kina na nomuni vakabauti Jisu Karisito (Yahshua Messiah), kei na nomuni yalololoma vei ira na digitaki; e na vuku ni inuinui sa maroroi tu mai lomalagi me na nomuni, me vaka oni sa rogoca oti mai liu e na vosa dina ni itukutuku vinaka, e a kaburaki yani vei kemuni, me vaka ni a kaburaki i vuravura raraba, ka sa vuavuai vinaka tiko e na kemuni maliwa mai na siga sara oni a rogoca ka kila kina na kena dina na yalololoma ni Kalou (Elohim), me vaka oni a vulica talega maivei Epafiro, na neirau itokani dauniveiqaravi lomani; e dua e italatala yalodina nei Karisito (Messiah) e sa mai matataki kemuni tiko,
-Kolosa 1: 3-6.

Au vakavinavinakataka na noqu Kalou (Elohim), kau dau cavuti iko e veigauna kece ni noqu masumasu, niu mai rogoca na nomu loloma kei na vakabauta sa tiko vei iko e na vukuni Turaga o Jisu (Master Yahshua) vata kei ira kece na digitaki, me rawa ni vakavatukana na nodra wasea tiko kei iko na nomu vakabauta, e na kena kilai raraba na veika vinaka sa noda tu, e na vuku i Karisito (Messiah). Sa mai vuable na neimami reki kei na vakacegu e na vukuni nomu loloma, baleta na nodra yalololoma na digitaki, o sa vakabulabulataka tiko o iko, taciqu.
Filimoni 1:4-7.



Wilika Talega Ke Rawa
I Veigauna 16:34-36; II Veigauna 5-7;
Same 118:1-4; 136:4-26; II Korinica 9:10-15.

Vakavinavinakataka Na Kalou.

Na iTakitaki Ni iKaruasagavulukava Ni Siga Ni Noveba

E Dua Na Same: Me Ka Ni Veivakavinavinakataki

Kaila e na mamarau Vua na TURAGA (Yahweh), vuravura raraba.
Sokalou Vua na TURAGA (Yahweh) e na yalomamarau;
toro maivua e na sere ni reki.
Kila ni Kalou (Elohim) o koya na TURAGA (Yahweh);
Ni o koya sara ga e a buli i keda, o keda eda Nona:
o keda eda nona tamata, na sipi ni nona ba ni veiqaravi.
Curu i na nona matamata e na vakamolimoli,
kei na nona lomanibai e na vakavina­vinaka:
vakamolimoli vua, ka vakacaucautaki na yacana.
Baleta e yalovinaka na TURAGA (Yahweh); ka tawamudu na nona yalololoma;
Na Nona yalodina e na yacova na itabatamata kecega.
-Same 100:1-5


Moni kakua ni daumateni e na waini, baleta e na kune kina na itovo lialia; ia dau vakasinaiti ga e na Yalo, ka me dau wewe ni nomuni veitalanoa na same, na sere ni lotu, na sere vakayalo, moni dau lagalaga sere me memela i vuniyalomuni, ka vaka kina Vua na Turaga (Sovereign), Dau vakavinavinaka e na veiveigauna kece e na vukuni veika kecekece Vua na Kalou (Elohim) na Tamada, e na yaca ni Turaga (Master) o Jisu Karisito (Yahshua Messiah),
-Efeso 5:18-20


Wilika Talega Ke Rawa
II Veigauna 6:41; Same 65; 84; 96; III Joni 11.

Vakavinavinakataka Na Veika E Solia Tiko Na Kalou.

Na iTakitaki Ni iKaruasagavulukatolu ni Siga ni Noveba
Vakavinavinakataka na TURAGA (Yahweh), baleta ni yalovinaka o koya:
ka na sega ni yalani na nona loloma me tawamudu
Laiva me ra kaya vakakina, o ira era sa vaka­bulai oti
maivua na TURAGA (Yahweh),
o ira e vakabula ira o koya mai na liga ni meca;
O ira era e a soqoni ira vata mai na veivanua,
mai Vuaicake, kei na Vuaira, mai na Tokalau, kei na Ceva talega.
Era a lako sese voli e na lekutu kei na veivanua dravuisiga;
era a sega ni kunea e dua na sala ki korolevu me ra lai tauyavu kina.
Era a viakana ka viagunu,
ka sa takali tiko yani vakamalua na nodra bula.
Era qai tagi yani Vua na TURAGA (Yahweh), e na dela ni nodra leqa,
a qai vakabulai ira o Koya mai na nodra rarawa.
E a liutaki ira e na sala dodonu,
i na dua na korolevu, e na vanua era rawa ni tauyavu kina.
Laivi ira mera vakavinavinaka Vua na TURAGA (Yahweh)
baleta na Nona loloma tawacala rawa
kei na nona cakacaka mana e na vukudra na tamata!
Ka ni vakacegui ira era karamaca
ka vakasinaiti ira era viakana e na veika vivinaka.
-Same 107: 1-9


Laivi ira me ra vakavinavinakataka na TURAGA (Yahweh)
e na vuku ni nona loloma, kei na nona cakacaka mana
e vukudra na tamata!
Laiva me ra vakacabora na imadrali ni vakamolimoli,
ka tusanaka na nona cakacaka e na sere ni marau.
-Same 107:21-22




Wilika Talega Ke Rawa
II Veigauna 20:14-26; Same 104; 118; 145;
Maciu 6:25-34

E na Veika Kece Dau Vakavinavinaka.

Na iTakitaki ni iKarusagavulukarua ni Siga ni Noveba

Vakavinavinakataka na TURAGA (Yahweh), kaciva na Yacana;
Tusanaka na veika sa cakava e na maliwa ni veimatatamata
Lagasere Vua, seretaka na Same ni veivakacaucautaki Vua
tukuna wavoki na nona cakacaka mana kece sara.
-I Veigauna 16: 8-9


Ni Lako mai, meda mai lagasere ni marau Vua na TURAGA (Yahweh);
meda mai kaikaila e na domo levu Vua na Uluvatu ni bula.
Mai meda mai lako Vua e na vakavina­vinaka,
Ka vakacaucautaka e na ivakatagi kei na seresere.
Baleta na TURAGA (Yahweh) o Koya na Kalou (El) levu,
na Tui cecere vei ira na kalou (elohim) kecekece.
E toka e ligana na vanua titobu kei vuravura
ka taukena na delavuvu ni veiulunivanua
Na wasawasa e Nona, baleta ni a bulia o koya:
Na ligana a bulia na vanua mamaca.
Lako mai, mai cuva e na sokalou:
laiva meda tekiduru e na mata ni TURAGA (Yahweh),
o koya e a buli i keda; baleta ni noda Kalou (Elohim) o koya,
o keda eda tamata ni nona ba ni veiqaravi,
eda qelenisipi ni Nona veikaroni.
-Same 95:1-7(a);

Dau yalomamarau e veiveigauna kece. Dau masumasu tabucegu.
Ia e na veika kece, dau vakavinavinaka; baleta oqori na gagadre ni Kalou (Yahweh) e na vuku i Karisito Jisu (Messiah Yahshua), me baleti kemuni.
I Cesalonaika 5:16-18




Wilika Talega Ke Rawa
Niemaia 12:27-43; Same 77; 135:1-7; 148;
Luke 22:14-19

O Paula Kei Panapasa E Na Kedra Maliwa na Kaitani.

Na iTakitaki ni iKaruasagavulukadua ni Siga ni Noveba

Mai Lisitira, e a tiko kina, ka sa dau dabe tu ga, e dua na kena tagane, ka ni sega tu na kaukaua e yavana, baleta ni a sucu lokiloki mai ketei tinana ka se bera vakadua ni taubale. Na tamata qo a qai rogoci Paula ni vosa. Ia o Paula a vaka­raici koya toka ga vakamalua, qai raica rawa ni levu vua na vakabauta ka na rawa ni vakabulai, sa mani kaya e na domo levu, “Tucake vakadodonu e yavamu!” E lade cake sara qai taubale o koya.
-Cakacaka 14: 8-10


Oti era qai lako yani i keya o ira na Jiu mai Anitioki-i-Pisidia kei Aikoniema; ia ni ra sa vakayarayarataki ira rawa na le vuqa, era qai virilaki Paula e na vatu, oti era qai yarataki koya laivi i na taudaku ni korolevu baleta era nanuma ga ni sa mate o koya. Ia, ni ra sa toso wavokiti koya yani na tisaipeli, a qai tucake tale o koya, ka curu lesu tale i loma ni korolevu. E na siga tarava, rau sa qai biubiu vata kei Panapasa, me rau lako i Derebe.
Ia ni rau sa vunautaka oti na ituku­tuku vinaka e na korolevu oya, ka rau sa rawata e levu tale na tisaipeli, rau sa qai lesu i Lisitira, i Aikoniema kei Anitioki-i-Pisidia, me rau lai vakayaloqaqataki ira na tisaipeli, ka vakauqeti ira me ra tudei tikoga e na vakabauta, e na nodrau kaya, “E dodonu meda na curu i na matanitu ni Kalou (Elohim), ni da sa rawata mai e levu na ka rarawa.” Ia ni rau sa qai lesi i ira na qasenilotu e na vei soqosoqo lotu kece, oya ni sa oti na masumasu kei na lolo, rau sa qai vakatabui ira Vua na Turaga (Master), o koya era vakabauta.
- Cakacaka 14:19-23

Mai keya rau qai soko i Anitioki-i­-Siria, na vanua rau a vakatabui kina e na loloma ni Kalou (Elohim), e na vukuni cakacaka rau se qai vakaotia ga mai. Ni rau sa yaco yani, rau qai soqoni ira vata na lewenilotu, rau qai soli itukutuku me baleta na veika sa vakayagataki rau kina na Kalou (Elohim), bau kina na Nona sa dolava na katuba ni vakabauta vei ira na kai Veimatanitu tani. Oti rau qai tiko e keya vakabalavu vata kei ira na tisaipeli.
-Cakacaka 14: 26-28

Wilika Talega Ke Rawa
Lako Yani 17:1-4; Lekutu 14:1-10; Roma 1:1-17;
I Samuela 30:6; Joni 8:31-59; Efeso 2:11-22;

Cakacaka 7:52-60; 14:1-7.